Ла Лига. “Реал” “Реал Сосьедад” устидан иродали ғалабани қўлга киритди (видео)

Футбол бўйича Испания Ла Лигасининг 5-турида “Реал” 17 сентябрь, якшанба куни “Реал Сосьедад”га қарши баҳс олиб борди.

Учрашувнинг 5-дақиқасида “Реал Сосьедад” футболчиси Андер Барренечеа ҳисобни очди. Биринчи бўлим меҳмонларнинг устунлиги билан якунланди.

Иккинчи бўлимнинг бошида мадридликлар мувозанатни тиклади. Федерико Вальверде ажойиб зарба билан дарвозани ишғол қилди. 60-дақиқада эса Хоселу “қаймоқранглилар”ни ҳисобда олдинга олиб чиқди. Қолган дақиқаларда дарвозалар ишғол этилмади ва мадридликлар ғалабани расмийлаштирди.

Карло Анчелотти жамоаси 5 турдан сўнг 100 фоизлик натижа қайд этиб, мусобақа пешқадами бўлиб турибди.

Ла Лига

5-тур баҳси

17 сентябрь, якшанба

“Реал” – “Реал Сосьедад” 2:1

Голлар: 0:1 – 5 Барренечеа, 1:1 – 46 Вальверде, 2:1 – 60 Хоселу.

“Реал Мадрид”: Аррисабалага, Карвахаль, Алаба, Рюдигер, Фран Гарсия (Начо, 74), Вальверде (Васкес, 87), Кроос, Тчуамени (Модрич, 62), Беллингем, Родриго (Браим Диас, 87), Хоселу (Камавинга, 62).

“Реал Сосьедад”: Ремиро, Траоре, Ле Норман, Субелдия, Тирни (Мунёс, 69), Мендес (Захарян, 81), Мерино, Субименди, Кубо, Ойарсабаль (Садик, 81), Барренечеа (Чо, 81).

Огоҳлантиришлар: Тчуамени (33), Мерино (68), Фран Гарсия (71), Траоре (77).