Исроил армияси фаластинликлар бошпана сифатида фойдаланаётган Бейт-Ҳанун ҳудудидаги “Ҳалил Увайда” мактабига ҳужум қилди. Оқибатда 15 киши ҳалок бўлди, кўпчилик жароҳатланди. Бу ҳақда Al Jazeera хабар берди.
Хабарга кўра, Исроил ҳарбий танклар билан ҳужумни амалга оширган. Мактаб атрофида ҳарбий амалиётлар давом этаётгани айтилмоқда.
“Уларнинг (фаластинликларнинг) борадиган жойи йўқ, чунки Исроил ҳарбий кучлари ҳудудни танклар ва зирҳли машиналар билан ўраб олиб, мактабга оғир артиллерия билан зарба бермоқда”, деди Al Jazeera мухбири Ҳани Маҳмуд.
Гувоҳларга кўра, мактабга ҳужум пайтида кўпчилик “оғир тан жароҳати” олган. Қурбонлар орасида тўрт кишилик оила, жумладан, икки нафар бола ҳам бор. Улар бошпана сифатида фойдаланаётган синфхона артиллерия ўқидан “тўғридан тўғри зарба” олган.
“Жароҳатланганларнинг кўпчилиги мактаб ҳовлисида ва бошқа синфхоналарда ётибди. Улар ҳеч қандай даволаниш муолажаси ололмаяпти, чунки Бейт-Ҳанундаги ҳеч қайси шифохона ишламаяпти”, деди мухбир.
У мактабга бостириб кириш олдиндан огоҳлантиришсиз содир бўлганини таъкидлади.
Изоҳ (0)