Исроил мухолифати етакчиси Яир Лапид бош вазир Биньямин Нетаньяхуни алмаштириш вақти келганини айтди. Бу ҳақда Аl-Arabia хабар берди.
Лапиднинг сўзларига кўра, Нетаньяхунинг ўнг қанот Ликуд партияси бошчилигидаги бирлик ҳукуматини тузиш кенг қўллаб-қувватланади. Ўтган йили қисқа муддат бош вазир бўлиб ишлаган Лапид Кнессетдаги (парламент) 120 нафар қонунчиларнинг мутлақ кўпчилиги бундай коалицияни имзолашига ишонишини айтди.
Унинг баёноти ҲАМАСнинг 7 октябрь куни Исроил жанубига ҳужуми ортидан Исроил Ғазодаги ҳарбий ҳужумни давом эттираётгани фонида янгради.
“Вақт келди — биз миллий қайта қуриш ҳукуматини тузишимиз керак. Уни Ликуд бошқаради, Нетаньяху ва экстремистлар алмаштирилади, Кнессетнинг 90 дан ортиқ аъзоси алоқани тиклаш бўйича коалицияда шерик бўлади”, — деди Лапид.
Нетаньяхунинг Ликуд партияси Исроилнинг ҳукмрон коалициядаги энг йирик партияси бўлиб, у ўта миллатчи ва диний партияларни ўз ичига олади. Улар биргаликда парламентдаги 64 ўринни назорат қилади.
Лапид уруш бошида Нетаньяхунинг ҳарбий кабинетига қўшилишдан бош тортди, гарчи бошқа қонунчилар бунга рози бўлди.
“Одамларнинг ҳозир вақти эмас, деганларини эшитаман. 40 кун кутдик, энди вақт йўқ. Бизга ҳозир хавфсизлик ва иқтисодиётдан бошқа нарсага эътибор қаратмайдиган ҳукумат керак. Бу ҳукумат ишламаяпти. Бизга ўзгаришлар керак. Нетаньяху бош вазир бўлишда давом эта олмайди. Жамоатчилик ишонмайдиган бош вазир билан узоқ муддатли кампания ўтказишга рухсат бера олмаймиз”, — деб ёзди Лапид Х саҳифасида.
Изоҳ (0)