АҚШ сенатори Роберт Менендес Туркия Шарқий Ўрта Ер денгизидаги энг катта таҳдид эканини айтди, деб ёзмоқда Kathimerini нашри.
Бу ҳақда сиёсатчи Каподистрия номидаги Афина Миллий университети фахрий доктори унвонини топшириш маросимидаги нутқи чоғида айтиб ўтди.
Аудиторияда ўтирганларга Туркия Шарқий Ўрта Ер денгизидаги доимий ва бевосита таҳдид бўлиб қолаётганини айтишим шарт бўлмаса керак. Туркия НАТО иттифоқчиси бўлишига қарамай, Эгей денгизида провокацион парвозлар билан Греция суверенитетига қарши чиқмоқда. Қирувчи самолётлар томонидан ҳаво ҳудудини бузиш ҳар қандай давлат учун номақбул хатти-ҳаракатлардир — деди Менендес.Шунингдек, у Анқаранинг хатти-ҳаракати Туркияни демократик давлат сифатида тавсифламаслигини айтди. Сенатор Туркия президенти Ражаб Тоййиб Эрдўғоннинг АҚШдан F-16 қирувчиларини сотиб олиш ва модернизация қилиш талаби бўйича келишувни маъқулламаслигини яна бир бор таъкидлади.
Изоҳ (0)