Ketrin valiahd shahzodaning rafiqasi sifatida Britaniya qirollik oilasining eng yuqori martabali a’zolaridan biri hisoblanadi. Vindzorlar sulolasida undan yuqori mavqega ega bo‘lgan yagona ayol — qirolicha Kamilladir. Afsuski, Keytning mavqeyi ko‘plab qiyinchiliklarni ham o‘z ichiga oladi. Quyida uning Uels malikasi sifatida qila olmaydigan 10 ta kundalik ishi keltirilgan.
Keytga qo‘shimcha daromad topish taqiqlangan
Ma’lumki, Sasseks gersogi shahzoda Garri va gersoginyasi Megan Markl moliyaviy mustaqillikka erishish uchun qirollik oilasini tark etgan. Keyt kabi qirollik oilasining amaldagi a’zolariga o‘z faoliyatlaridan foyda olishga va umuman maosh yoki gonorar olishga ruxsat berilmaydi. Qo‘shimcha pul topish o‘rniga, Ketrin daromad olish maqsadida suratga olgan fotolarini litsenziyalash orqali ularni rasmiy saroy kanallari orqali tarqatadi yoki hech qanday foyda olmay, ijtimoiy loyihalarga taqdim etadi.
Siyosatga aralashib, ovoz bera olmaydi
Keyt qirollik oilasida tug‘ilmaganiga qaramay, unga siyosiy qarashlarini ochiq aytish va saylovlarda ovoz berish hali ham taqiqlangan. Taxminlarga ko‘ra, Britaniya monarxlarining turli masalalarda o‘z pozitsiyalarini baham ko‘radigan muxlislari juda ko‘p va bunday faollik mamlakatdagi siyosiy vaziyatga salbiy ta’sir ko‘rsatishi mumkin.
“Monopoliya” o‘ynash mumkin emas
Shahzoda Uilyamga turmushga chiqib, Keyt Middlton ko‘p narsaga erishdi, lekin ko‘p narsani yo‘qotdi ham: bundan buyon u mashhur stol o‘yinini o‘ynay olmaydi. Biroq taqiq nafaqat Kembrij gersoginyasining o‘ziga, balki boshqa qirollik a’zolariga ham tegishli. The Telegraph nashriga ko‘ra, qirolichaning taqiqi tufayli qirollik oilasi a’zolariga “Monopoliya” o‘ynashga ruxsat berilmaydi. Qirolicha o‘yinni “juda shafqatsiz” deb hisoblab, saroyda o‘ynashni taqiqlagan.
Hech bir ijtimoiy tarmoqlarda o‘z sahifasiga ega bo‘lmaslik kerak
Ko‘rinishidan, deyarli har bir zamonaviy odam kamida bitta mashhur ijtimoiy tarmoqlarda akkauntiga ega. Biroq Keyt Middlton to‘g‘ridan to‘g‘ri virtual muloqot qilish imkoniyatidan mahrum. Uels malikasi o‘zining ijtimoiy tarmoqlariga bag‘ishlangan butun PR jamoasiga ega.
Keytga selfi tushish mumkin emas
Qirollik oilasining amaldagi a’zolari rasmiy vazifalarini bajarish chog‘ida jamoatchilik vakillari bilan tez-tez uchrashib turadi va ularni ko‘pincha selfi tushishni xohlaydigan muxlislar kutib oladi. Biroq qo‘l siqib ko‘rishish va salomlashish bu — Keyt yoki boshqa qirollik a’zosi bilan uchrashganda Vindzor muxlislari umid qilishi mumkin bo‘lgan yagona narsa. Malikaga selfi tushish taqiqlangan. Qirollik sharhlovchisi Viktoriya Arbitrning Insider nashriyotiga aytishicha: “Qirollik a’zolari selfi talab qiladigan odamlar bilan shaxsiy muloqotni afzal ko‘rishadi”. Shuningdek, Malika avtograf ham bera olmaydi.
Ustritsa va midiya yeyish taqiqlanadi
Kembrij gertsoginyasi, shuningdek, Britaniya qirollik oilasining boshqa a’zolariga ham ustritsa, midiya va boshqa mollyuskalarni iste’mol qilish taqiqlangan edi. Gap shundaki, bu dengiz mahsulotlari, agar noto‘g‘ri saqlangan bo‘lsa, zaharli bo‘lishi mumkin — Ketringa sog‘lig‘i va hayotini xavf ostiga qo‘yish taqiqlangan.
Agar qirol Charlz III ovqatlanishni to‘xtatsa, Keyt ovqatlanishni davom ettirishi mumkin emas
Ketrin yoki hukmdor bilan birga ovqatlanadigan har qanday odam amal qilishi kerak bo‘lgan yana bir g‘alati qoida bor. Qirol ovqatlanishni tugatganida, stol atrofida o‘tirganlarning hammasi ovqatlanishni to‘xtatishlari kerak.
Sobiq qirollik eshik og‘asi Pol Barrellning eslashicha, bir kuni mehmon shirinlik paytida tarelkasiga mevalar qo‘yishda davom etadi, chunki u qirolicha Yelizavetaning taomlanishni tugatganini sezmagandi. Nihoyat, nima bo‘layotganini payqaganida, u dahshatga tushib, biroq mehmonini noqulay ahvolga solib qo‘ymaslik uchun qirolicha bir qultum ichadi.
Keyt qaynotasidan oldin uxlashi mumkin emas
Qirolichaning sobiq shaxsiy kotibi Uilyam Xezeltin o‘zining “Avstraliyadagi qirollik vakillari” kitobida yozishicha, hazrati oliyalaridan avval uxlash juda yomon tarbiyaning belgisi hisoblangan. Bu avvalgi Uels malikasi Diana uchun katta muammo edi.
“Malika Diana uchun uzoq qirollik oqshomlari azob edi. Hamma mehmonxonada bir soatcha gaplashib o‘tirardi. Bunga zo‘rg‘a chidagan Diana kechirim so‘rab, uxlagani ketardi, bu esa qirolichaga nisbatan hurmatsizlik sanalardi”, deb yozgandi Xezelteyn.
Keyt omma oldida ustki kiyimini yechishi mumkin emas
Qirollik vakillari kiyinishiga oid ko‘plab taqiq va cheklovlar mavjud. Ulardan biri ustki kiyimga tegishli. Ketrin va boshqa unvonli shaxslarga odamlar oldida paltosini yechish taqiqlanadi. Ehtimol, shuning uchun ham Vindzorlar sulolasidagi ayollar ko‘ylak-paltoning barcha variantlarini juda yaxshi ko‘rishadi.
Izoh (0)