Мунтазам равишда қироллик аъзоларини оммавий тадбирларда кўрамиз, аммо улар ёпиқ эшиклар ортида вақтларини қандай ўтказади?
Қирол Чарльз III
Айни пайтда Британия монархи 13 та хайрия ташкилотига, жумладан, “Жамиятда бизнес” Британия-Осиё фондига раҳбарлик қилади. Шунингдек, Буюк Британия ва Ҳамдўстлик давлатлари раҳбари ҳисобланади.
Боғдорчиликка қизиқадиган қирол экология бўйича иккита китоб ёзган: “Уйғунлик: дунёга янги қараш” ва “Озиқ-овқат келажаги ҳақида”. Кўринишидан, у бўш вақтининг катта қисмини ушбу китобларни ёзишга сарфлаган. Бундан ташқари, Чарльз III бўш вақтини яна бир севимли машғулоти — акварелда расм чизишга бағишлайди.
Шаҳзода Уильям
Шарқий Англия ҳаво тез ёрдамидаги ярим кунлик ишини тарк этганидан бери шаҳзода Уильям фарзандларини тарбиялашга ва қироллик мажбуриятларини бажаришга эътибор қаратди. Уильям ўтмишда “ишчи” бўлгани учун танқид қилинган ва 2016 йилда BBCга берган интервьюсида қироллик вазифаларини бажаришга тайёрлигини таъкидлаб, “ота сифатидаги ролига катта эътибор қаратганини” айтган.
Мен яқинда ота бўлдим. Оилам олдидаги бурч ва масъулиятимга жуда жиддий ёндашаман, фарзандларимни ҳам бошқаларга хизмат ва бурчни жуда қадрлайдиган яхши инсонлар қилиб тарбиялашни хоҳлайман, — деганди у ўша пайтда.
Бундан ташқари, Уильям атроф-муҳитни муҳофаза қилишга қўшган ҳиссаси учун Earthshot мукофотининг асосчиси ҳисобланади. Шаҳзода чанғи учишни ҳам яхши кўради. Буларнинг барчаси учта фарзанди — шаҳзода Жорж, малика Шарлотта ва шаҳзода Луини тарбиялашдан ташқари бўлган машғулотидир.
Кейт Миддлтон
Уэлс маликаси кўп болали она ва эри Уильям каби жуда банд қироллик аъзоси ҳисобланади. Кейт Миддлтон кўплаб хайрия ташкилотларининг ҳомийси, жумладан Action for Children, Бутун Англия теннис ва крокет клуби, Анна Фрейд маркази ва Миллий портрет галереяси шулар жумласидан. Қиролича сингари Кейт ҳам ҳаваскор фотограф ва унинг “истеъдоди ва иштиёқи”ни эътироф этган ҳолда, Уэлс маликасига нуфузли Қироллик фотографлик жамиятининг фахрий аъзолиги берилган.
Қироллик аъзоларининг синчков мухлислари Кейтни сайр қилганда ва Букингем саройи бассейнида болалари билан чўмилаётганда тез-тез кўрган. Бундан ташқари, у ҳар куни ўзининг машҳур соч турмагига алоҳида вақт ажратади.
Қироллик аъзоларининг баъзилари ҳам иш билан таъминланган
Шаҳзода Эндрюнинг кенжа қизи малика Евгения бадиий галерея директори ёрдамчиси, унинг опаси малика Беатрис эса бизнес-маслаҳатчи ҳисобланади, дейилади унинг шахсий веб-сайтида. Малика Аннанинг қизи Зара Тиндалл от спорти бўйича жаҳон чемпиони, унинг укаси Питер Филлипс эса Шотландиядаги Қироллик банкида ишлайди.
Изоҳ (0)