“Захира” фарзанд, тўрттагача исм, махсус агент сифатида ишлаши мумкин бўлган энагалар — Қироллик меросхўрларининг туғилиши ва тарбияси билан боғлиқ энг ноодатий анъаналар

Қироллик меросхўрлари ҳар куни туғилмайди, шунинг учун бундай янгилик дунё бўйлаб қизғин мунозараларга сабаб бўлади. Масалан, Кембриж герцоги ва герцогиняси Кетриннинг учинчи фарзандига ҳомиладорлиги эълон қилинганда, Буюк Британиядаги букмекерлик идораларида аризалар сони кескин ошиб кетди. Чет элликлар ва инглизлар ҳамма нарсага пул тикишади: туғилмаган боланинг жинси, унинг исми, чўқинтириш санаси ва ҳатто Кейт фарзандини қаерда дунёга келтириши ҳақида ҳам.

Қироллик оиласида камида икки бола дунёга келиши керак

Бу қарийб 60 йилдан бери давом этмоқда. Гап шундаки, қироллик оиласига мансуб эр-хотин камида иккита фарзандга эга бўлишлари керак — меросхўр ва “захира” бола. Албатта, 2 тадан кўп фарзандли бўлиш ихтиёрий — ҳозирча қироллик оиласида 4 нафар фарзандни дунёга келтирган ягона одам — Елизавета II. Аммо Кембрижлар оиласида учинчи меросхўр туғилди, улар келажакда марҳум монархдан ўрнак олишга қарор қилишади, деб гумон қилишга асос бор.

Ҳомиладорлик ҳақида 12 ҳафтадан кейин маълум қилинади

Виндзор оналари учинчи ойгача буни сир сақлашлари керак, аммо Кембриж герцогиняси бу қоидани бузди. Расмий тадбирларда қатнаша олмагани учун муддатидан олдин бу ҳақда эълон қилишга мажбур бўлди. Бунинг сабаби токсикознинг жуда кам учрайдиган ва хавфли шакли бўлиб, Кетрин ҳомиладорлигининг ҳар бирида бундан азоб чеккан.

Боланинг жинси охиригача сир сақланади

Ҳатто Кейт ва Уилям ҳам бу анъанани бузмаган. Жамоатчилик келажакдаги меросхўрнинг жинси ҳақида бўлажак она кийган кийимларга қараб тахмин қилади. Бир сўз билан айтганда, бу янгилик охиригача сир сақланади.

Қирол оиласи учун уйда туғилиш одатий ҳол

Бу кўп асрлардан бери давом этаётган анъана. Масалан, Елизавета II ўша пайтда Британия тожининг тўғридан тўғри вориси бўлмаса-да, шаҳзода Алберт ва унинг рафиқаси Элизабетнинг оилавий мулкида туғилган. Қироличанинг ўзи иккала ўғлини Букингем саройида — қизи Аннани эса Кларенс-Ҳаусда дунёга келтирган.

Аммо сўнгги бир неча ўн йилликларда қирол оиласида янги анъана — туғуруқхонада туғиш одатга айланди. Малика Диананинг ўғиллари — Уилям ва Гарри Лондондаги Авлиё Мери туғуруқхонасида туғилган. Кембриж герцогиняси ҳам қайнонасидан ўрнак олиб, Жорж ва Шарлотта туғилиши учун худди шу ерни танлади. Бу ерда 2018 йил 23 апрелда қироллик жуфтлигининг учинчи фарзанди туғилди.

Туғуруқни қабул қилиш учун расмий гинеколог тайинланади

Мисол учун, шаҳзода Жоржнинг туғилиши Буюк Британиянинг етакчи гинекологи сер Маркус Сетчелл томонидан қабул қилинган, у узоқ вақт давомида Элизабетнинг ўзига хизмат қилган. Илгари бу лавозимни қироллик оиласининг тўққизта чақалоғини дунёга келтиришга муваффақ бўлган сер Жорж Пинкер эгаллаганди.

Қизиғи шундаки, оталарга асрлар давомида туғилишни кузатишга рухсат берилмаган. Ушбу анъанани биринчи бўлиб бузган Елизавета II эди. Тўртинчи фарзандига ҳомиладор бўлган қиролича табиий ота-оналик ҳақидаги янги китобларни ўқиб, туғуруқда турмуш ўртоғининг иштирок этишини талаб қилади. Малика Диана ҳам фарзандларини эрининг иштирокида дунёга келтирган. Кейт ва Уилям ҳам бувиси ҳамда онасидан ўрнак олади: шаҳзода ҳар учала меросхўрнинг туғилишида иштирок этган, бу ҳақда Кенсингтон саройининг Twitter аккаунтида расман хабар берилган.

Боланинг туғилиши ўзига хос тарзда эълон қилинади

Биринчилардан бўлиб Кембриж герцоги ва герцогиняси Кенсингтон саройи матбуот хизмати орқали тўнғич фарзандлари туғилганини эълон қилади. Бироқ урф-одатлар бузилмайди. Гап шундаки, қироллик оиласида чақалоқ туғилганда, Букингем саройи олдига унга тегишли баёнет ёзилган катта зарҳал молберт қўйилади. Илгари қоғозга қўлда ёзилган ва руҳонийнинг имзоси талаб қилинган, бугунги кунда у чоп этилади.

Яна бир анъанага кўра навбатдаги қироллик авлодининг туғилиши норасмий жарчи томонидан эълон қилинади. Ҳозирги кунда бу лавозимни Тони Апплтон эгаллаб турибди — айнан у 2013 ва 2015 йилларда Жорж ва Шарлотта туғилганини эълон қилган. Шунингдек, у Кембриж герцогинясининг учинчи фарзанди дунёга келишини ҳам эълон қилди.

Лондонда шаҳзода ёки малика туғилгани ҳақида эълон қилингандан сўнг, тантанали равишда замбараклардан ўқ отилади

Тоуэр Бриж яқинидаги тарихий тўплардан 62 та, Букингем саройи яқинидаги замбараклардан 41 та ўқ отилади. Буларнинг барчаси қироллик авлоди ва унинг ота-онасига ҳурмат сифатида қилинади.

Виндзор оталарига ҳам туғуруқ таътили берилади

Бу, албатта, анъана эмас, балки қизиқарли факт. Иккала фарзанди туғилгандан сўнг, шаҳзода Уилям қонуний таътил олган. Тўғри, бунинг учун ҳақ тўланмайди. Лекин янги туғилган чақалоққа ғамхўрлик қилиш учун оталарга ҳам шароит яратиб берилади.

Қироллик ота-оналари фарзандларини рўйхатдан ўтказишлари керак

Англия ва Уэлс қонунларига кўра, ҳар қандай боланинг туғилиши дастлабки 42 кун ичида тегишли муассаса ёки шифохонада рўйхатга олиниши керак.

Қироллик болалари тўртта исмга эга бўлиши мумкин

Шаҳзода Жоржнинг тўлиқ исми — Жорж Александр Луи, малика Шарлотта — Шарлотта Элизабет Диана ва Кембриж герцоги Уилям — Артур Филипп Луис. Одатда буюк Британия монархлари ва қариндошларининг исмлари меросхўрларнинг исмларида акс этади. Аммо қироллик авлодлари Виндзор (ёки Моунтбаттен-Виндзор) фамилиясидан деярли фойдаланмайди (масалан, мактабда шаҳзода Жорж), агар бу жуда зарур бўлса унда унвони қўшиб айтилади. Масалан, Уилям ва Гарри мактабда “Уэлсликлар”, Жорж эса “Кембрижлик” фамилиясига эга.

Қироллик болалари уйда таълим олиши керак

Айни пайтда инглиз адабиёти ва француз тилини уйда ўрганган охирги одам қиролича Елизавета II бўлди. Неча йиллик эътиқодга қарамасдан, биринчи бўлиб мактабга шаҳзода Уилям эмас, балки шаҳзода Чарльз борган. Елизавета II нинг ўғли дастлаб Буюк Британия ва Австралиядаги бир қанча мактабларда ўқиган, сўнгра Кембрижга ўқишга кирган. Айтганча, бу яна бир анъананинг бузилиши эди, унга кўра балоғатга етган шаҳзодалар дарҳол Қироллик Қуролли кучларида хизмат қилишлари керак эди.

Кейинчалик янги одатни малика Диана, ундан кейин Кембриж герцогиняси қўллаб-қувватлади, унинг ўғли Жорж 2017 йил сентябрь ойида Thomasʼs Battersea мактабининг биринчи синфига борди. 2019 йилда унинг синглиси Шарлотта ҳам шу ерда ўқиди.

Агар бобоси ва бувиси оддий одамлар бўлса, болаларга улар билан мулоқот қилиш тақиқланади

Ушбу шафқатсиз анъанани, кутилганидек, Кембриж герцогиняси бузди — у ўз оиласини жуда қадрлайди. Шундай қилиб, онаси Керол Миддлтон Кетрин фарзандларини ишонадиган ягона одам ҳисобланади. Бундан ташқари, ота-онасининг Беркширдаги уйи анъанага зид равишда Кембрижлар оиласи Рождествони нишонлайдиган ягона жойга айланди.

Қироллик энагалари махсус машғулотлардан ўтади

Бу ҳазил эмас. Қироллик меросхўрини бегона аёлга ишониб топширишдан олдин, унга нафақат қироллик протоколи, балки машинани эҳтиёткорлик билан ҳайдаш, барча хавфсизлик чоралари ва ҳатто таэквондо ҳам ўргатилади.

Болалар Trooping the Color маросимида қатнашишлари шарт

Ҳар йили қироличанинг туғилган куни шарафига анъанавий тарзда шоу ўтказилади — қироллик оиласининг барча аъзолари байрамда қатнашиши шарт. Уларнинг ёшидан қатъи назар. Янги туғилган чақалоққагина истисно бўлиши мумкин.