Давлат хавфсизлик хизмати (ДХХ) раиси генерал-лейтенант Абдусалом Азизов ўз лавозимидан озод этилди.
Абдусалом Азизов (1960 йилда туғилган) 2019 йил февралидан буён Давлат хавфсизлик хизмати раҳбари лавозимида ишлаб келаётганди. Бунгача у 2017 йилнинг сентябридан Мудофаа вазирлигини бошқариб келган.
2002-2006 йилларда “Ўзбекнефтгаз” миллий холдинг компанияси бошқаруви раиси бўлган.
2006 йил сентябридан 2008 йил ноябригача “Ўзнефтмаҳсулот” корхонасини (“Ўзбекнефтгаз” шўба корхонаси) бошқарган.
2008 йилнинг ноябрь ойида у Ички ишлар вазирлигига қайтиб, ўша йилнинг ноябрь декабрь ойларида Ички ишлар вазири ўринбосари, 2008 йилнинг декабридан 2009 йилнинг декабрига қадар — Ички ишлар вазирининг биринчи ўринбосари лавозимларида фаолият юритган.
2009-2017 йилларда Жиззах вилояти ИИБ бошлиғи лавозимида ишлаган.
Мавжуд маълумотларга кўра, ишдан бўшатиш Президент маъмурияти ахборот бўлими собиқ раҳбари Комил Алламжоновга суиқасд уюштирилгани билан боғлиқ бўлиши мумкин.
Изоҳ (0)