Ўзбекистон футбол ассоциациясининг (ЎФА) навбатдаги Ҳисобот-сайлов Конгресси 25 сентябрь куни бўлиб ўтди. Унда ташкилот президентлигига Абдусалом Азизов қайта сайланди, деб хабар бермоқда «Дарё» мухбири.
ЎФА биринчи вице-президентилигига эса аввалдан ушбу лавозимда ишлаб келаётган Равшан Эрматов сайланди. Қайд этиш керак, ЎФА президенти ва вице-президенти лавозимларига Азизов ва Эрматовдан бошқа даъвогар йўқ эди.
Бундан ташқари, ташкилот вице-президенти икки лавозими учун сайлов бўлиб ўтиши белгиланганди. ЎФА вице президенти лавозимига олти нафар номзоддан беш нафари ўз номзодини қайтиб олган. Фақатгина бир номзод — Азизбек Икромов қолган. Уннинг номзодини барча бир овоздан маъқуллади ва Икромов ЎФА вице-президенти этиб сайланди. Яна бир вице-президент кейинчалик сайланиши айтилди.
Маълумот учун, Абдусалом Азизов айни дамда Давлат хавфсизлик хизмати раиси ҳам ҳисобланади. У 2008—2009 йилларда Ўзбекистон футбол федерацияси вице-президенти бўлган. Бундан ташқари, Азизов Ўзбекистон ички ишлар вазири, Мудофаа вазири лавозимларида фаолият юритган. У 2019 йилдан бери ЎФАга раҳбарлик қилмоқда.
Изоҳ (0)