Сўнгги 7 йилда Тошкент метрополитенида бекатлар сони 29 тадан 50 тага етди, деб хабар берди Транспорт вазирлиги матбуот хизмати.
Маълум қилинишича, метро линияларнинг умумий узунлиги эса 38 километрдан 71 километргача ошди.
2017 йилдан 2019 йилгача 36 та поезд эксплуатация қилинган. 2024 йилга келиб уларнинг сони 65 тага етказилди.
2025 йил якунига қадар яна 26 та замонавий таркиб харид қилиниши режалаштирилган.
“Бу эса поездлар қатнов оралиқ вақтларини сезиларли даражада қисқартиради ва йўловчилар учун шароитларни янада қулайлаштиради”, дейилади хабарда.
Кенгайиб бораётган Тошкент метроси
29 май куни Тошкент метрополитени вагон паркига яна янги тўрт вагонли 3 та замонавий метро поездлари олиб келинди.
Изоҳ (0)