Тошкентга тўрт вагонли янги 3 та метро ҳаракат таркиби олиб келинди. Бу ҳақда метрополитен матбуот хизмати хабар берди.
-JlM-zhq-.jpg)
Маълум қилинишича, ушбу ҳаракат таркиблари белгиланган йўриқномага асосан, 8-10 кун давомида техник синовдан ўтказилиб, сўнгра йўловчиларга хизмат қилиши йўлга қўйилади.
Йўналишлардаги вақт интервалларини янада қисқартириш мақсадида янги ҳаракат таркиблари, асосан, Юнусобод ва Ерусти ҳалқа йўли йўналишларида ҳаракатга чиқарилади.
-LTbNk6zI.jpg)
2024 йил май ойи сўнгига қадар босқичма-босқич равишда яна 8 та метро поезди олиб келиниши режалаштирилган. Бу режавий ишлар натижасида, метро вагон паркларини янгилаш ва белгиланган вақт интервалларини янада қисқартишга эришиш мақсад қилинган.
“Ўзбекистон–2030” стратегиясининг барқарор иқтисодий ўсиш орқали аҳоли фаровонлигини таъминлаш йўналиши бўйича 2024 йилга мўлжалланган амалий тадбирлар режасида Тошкент жамоат транспорти тизимини ривожлантириш ҳам кўзда тутилганди. Унда Тошкент метрополитени учун 11 та янги метро поездини (44 та вагон) харид қилиш белгиланган.
Изоҳ (0)