Тошкент шаҳар Учтепа туманида хонадонлардан бирида ёнғин чиқди. ФВБ ҳолат юзасидан маълумот берди.
Унга кўра, 18 сентябрь куни соат 15:09 да Учтепа тумани, Тақачи кўчасида жойлашган шахсий хонадонда ёнғин содир бўлаётгани тўғрисида Тошкент шаҳар ФВБга хабар келиб тушган.
Ёнғин қутқарув экипажлари айтилган манзилга соат 15:14 да етиб бориб, соат 15:42 да ёнғин қуршаб олиниб, соат 15:50 да ўчирилди. Ёнғин натижасида тан жароҳати олган ва вафот этган фуқаролар йўқ.
Айни вақтда ҳодиса сабаби ва моддий зарар миқдори аниқланмоқда.
Аввалроқ Сурхондарёда бешта савдо дўконида ёнғин содир бўлгани, Тошкентдаги автосервисда 3 та автомобиль ёниб кетгани, “Космонавтлар” метро бекати яқинида ерости кабели ёнгани тўғрисида хабар берилганди. Шунингдек, Тошкентдаги “Чорсу” бозорида ёнғин чиққан эди. Шаҳар ва туман ҳокимликлари вакиллари ёнғиндан зарар кўрган тадбиркорлар билан учрашган.
Изоҳ (0)