“Халқлар дўстлиги” метро бекатининг иккинчи вестибюли 20 мартга қадар ёпилади

“Халқлар дўстлиги” метро бекатининг иккинчи вестибюли 10 февралдан 20 мартга қадар ёпилади. Бу ҳақда “Тошкент метрополитени” ДУК хабар берди. 

Маълум қилинишича, метрополитен фаолиятини такомиллаштириш ва хизмат кўрсатиш сифатини ошириш мақсадида, ерости метро бекатларида ўрнатилган эскалаторларнинг ўз хизмат муддатини ўтаб бўлганларини босқичма-босқич равишда янгиларига алмаштириш режалаштирилган.

Ушбу режавий ишларнинг биринчи босқичида “Халқлар дўстлиги” метро бекатидаги эскалаторларни замонавий турдагисига алмаштириш ишлари олиб борилади.

Шу боис “Халқлар дўстлиги” метро бекатининг иккинчи вестибюли (Tashkent City мажмуасига олиб чиқувчи томон) 10 февралдан 20 мартга қадар ёпиқ бўлади. Шунингдек, йўловчилар учун бекатнинг биринчи вестибюли (“Халқлар дўстлиги” саройига олиб чиқувчи томон) одатий режимда иш фаолиятини олиб боради.