Тошкент метросининг Ерусти ҳалқа йўлининг II босқичи доирасидаги Қурувчилар даҳасидан Сергели мавзесига қадар қурилаётган иккита янги метро бекатларида (“Турон” ва “Қипчоқ”) қурилиш ишлари ўз якунига етказилди.
Метрополитен маъмуриятининг хабар қилишича, шу муносабат билан метрополитен қурилиш қоидалари ва меъёрларига кўра, “Турон” (13-бекат) ва “Қипчоқ” (14-бекат) бекатларида 15 декабрдан бошлаб синов тариқасида (йўловчиларсиз) поездлар ҳаракати йўлга қўйилди.
Синов муддати якуни ва янги бекатларнинг йўловчилар учун хизмат кўрсатишнинг бошланиш муддати тўғрисидаги маълумотлар синов натижалари асосида қўшимча равишда тақдим этилади.
Изоҳ (0)