Тошкент шаҳри Яккасарой тумани, Бобур кўчасида 8 ноябрь куни экскаватор ёрдамида қазиш ишлари олиб борилаётганда, эҳтиётсизлик оқибатида ўрта босимли газ қувурига шикаст етказилган. Бу ҳақда Энергетика вазирлиги матбуот хизмати хабар берди.
Натижада Яккасарой туманида жойлашган кўп қаватли бинолардаги 2400 та ва 1100 та ерли хонадон вақтинча табиий газ тармоғидан ўчирилди.
Шунингдек, Миробод туманининг Нукус, Абдулла Қаҳҳор, Дамариқ ва Ҳамид Сулаймон кўчалари истеъмолчилари ҳам газ тармоғидан ўчирилган.
Таъмирлаш ишлари якунлангач, табиий газ таъминоти босқичма-босқич тикланиши айтилди.
Изоҳ (0)