Emirates Airlines авиакомпанияси йўловчиларга бортга пейжер ва рацияларни олиб киришни тақиқлади. Бу ҳақда Khaleej Тimes хабар берди.
Тақиқ Ливандаги “Ҳизбуллоҳ”га алоқадор бир қатор қурилмаларнинг портлашидан кейин эълон қилинмоқда.
“Дубайга ва у орқали саёҳат қилувчи барча йўловчиларга пейжерлар ва рацияларни рўйхатдан ўтган багаж ёки қўл юки билан ташиш тақиқланади. Аниқланган ҳар қандай тақиқланган нарсалар Дубай полицияси томонидан кучайтирилган хавфсизлик чоралари доирасида мусодара қилинади”, дейилади авиакомпания сайтида.
17 сентябрь куни Ливанда “Ҳизбуллоҳ” аъзолари фойдаланган юзлаб пейжерлар портлади. Эртаси куни бутун мамлакат бўйлаб бошқа электрон қурилмалар, жумладан, ноутбуклар ва рациялар портлай бошлади. 30 дан ортиқ киши ҳалок бўлди, минглаб одамлар жароҳатланди.
Изоҳ (0)