Лондон Brand Finance консалтинг компанияси томонидан тузилган жаҳон шаҳар брендлари рейтингида етакчиликни сақлаб қолди. Британия пойтахти 100 балдан 90,9 балл олди.
“Лондон ўзининг кучли халқаро иштироки, маданий ўзига хослиги ва таниқли таълим муассасалари туфайли дунёнинг энг яхши шаҳар бренди сифатида порлашда давом этмоқда”, деди Brand Finance бош директори ва бошқарув раиси Дэвид Ҳэйг.
Кучли учликнинг қолганлари ҳам ўзгаришсиз қолди. Иккинчи ўрин 89,8 балл билан Нью Йорк шаҳрига, учинчи ўрин 87,8 балл билан Парижга насиб этди.
Бу сафар Лос Анжелес ва Сидней ўрнига кучли бешликни Токио ва Дубай якунлади.
Рейтинг тузувчилари, шунингдек, “Маданият ва мерос” кичик туркумидаги Европа шаҳарларининг жозибасини таъкидлаб ўтишди. Энг яхши 20 та ўриндан 17 тасини Европа шаҳарлари, шу жумладан, энг яхши 5 та жойни Париж, Рим, Лондон, Вена ва Милан эгаллади.
Рейтинг 20 та давлатдан 15 мингдан ортиқ киши ўртасида ўтказилган сўров асосида тузилган.
Изоҳ (0)