Испаниянинг Marca нашри Мадриднинг “Реал” клубидаги қатор муаммоларни санаб ўтди.
Мадридликлар жорий мавсумни муваффақиятсиз бошлади. Қаймоқранглилар чемпионат бошида “Мальорка”, “Лас-Палмас” ва “Атлетико” клублари билан дуранг ўйнади, “Барселона”га эса мағлуб бўлди. Чемпионлар Лигасида ҳам “Лилль” ва “Милан”га имкониятни бой берди.
- Марказлашган тизимнинг йўқлиги;
Агар ўтган мавсумда кўп ҳолларда майдон марказида “ромб” схемаси қўлланилган бўлса, жорий мавсумда аниқ ифодаланган схема бўлмаган ҳолда камида тўртта турли услуб ишлатилди.
- Тони Крооснинг кетиши;
- Жуд Беллингемнинг самарадорлиги тушиб кетиши;
Хабар қилинишича, Жуд нафақат камроқ гол уриш ва самарали узатмалар беришни, балки умуман ўйинни кескинлаштириш қобилиятини ҳам пасайтирган.
- Килиан Мбаппенинг марказий ҳужумчи роли етарлича самара бермаяпти;
Таҳлилларга кўра, Килиан ўйин вақтида кўпроқ чап қанотга ўтади ва Винисиуснинг позициясини такрорлайди.
- Рақиб дарвозаси олдидаги имкониятлардан самарали фойдаланмаслик;
- Ҳимоя ўйини ёмонлашиши;
- Ҳимоячилар сони етарли эмаслиги;
- Бирорта ўйинчи ўзининг энг юқори жисмоний ҳолатида эмаслиги;
- Эндрик ва Гюлер асосий таркибдаги ўйинчиларга етарли рақобат кўрсата олмаётгани;
- Стандарт вазиятларда ҳам ўз дарвозаси, ҳам рақиб дарвозаси олдидаги суст ўйин.
Ҳозирда раҳбарият Анчелоттининг истеъфоси ҳақида ўйламаяпти. Мураббий ҳаммасини яна изига қайтариши ва натижалар яхшиланишига умид қилмоқда.
Изоҳ (0)