6 ноябрь куни Бишкекда ўтаётган Туркий давлатлар ташкилоти саммити доирасида Шавкат Мирзиёев Венгрия бош вазири Виктор Орбан билан учрашув ўтказди.
Президент матбуот хизматининг хабар қилишича, унда Ўзбекистон—Венгрия стратегик шериклик ва кўп қиррали ҳамкорлик муносабатларини янада ривожлантириш масалалари муҳокама қилинди.
Ўзаро ҳамкорликнинг амалий натижалари алоҳида мамнуният билан қайд этилди. Товар айирбошлаш кўрсаткичлари ва саноат кооперацияси кўлами ортиб бормоқда, Тошкент вилоятида индустриал парк ташкил этиш ишлари олиб борилмоқда. Октябрь ойида Қўқон шаҳрида биринчи ҳудудлар форуми ўтказилди. Бу ойда Будапешт шаҳрида муҳим қўшма маданий тадбирлар бўлиб ўтади.
-TYRwth7T.jpg)
Давлат раҳбарлари икки томонлама тадбирлар режасини кўриб чиқди Етакчи компанияларнинг савдо-иқтисодий ва инвестициявий ҳамкорлик бўйича янги лойиҳалар портфелини шакллантириш муҳимлиги алоҳида таъкидланди.
Шунингдек, минтақавий кун тартибидаги долзарб масалалар юзасидан ҳам фикр алмашилган.
Изоҳ (0)