Россия президенти Владимир Путин мамлакатда меҳнат муҳожирларининг рус тилини билиш даражасини аниқлаш қоидалари ва уларнинг фарзандлари билан тил ўзлаштириш бўйича алгоритм ишлаб чиқиш зарурлигини маълум қилди.
“Тил билиш даражаларини иш билан таъминлашдаги реал эҳтиёжларни, кундалик ҳаётда мулоқот қилишда – касбий талабларни, ижтимоий ва маданий хулқ-атвор нормаларимизни ҳисобга олган ҳолда аниқлаш ва мустаҳкамлаш зарур. Жумладан, рус тилини билмайдиган ёки яхши билмайдиган муҳожирларнинг фарзандлари билан ишлашнинг ягона федерал алгоритмини ишлаб чиқиш лозим”, деди у.
Жорий йил 29 октябрь куни Давлат думаси мигрантлар билан боғлиқ бир нечта қонун лойиҳаларини қабул қилган эди, улардан бири чет элликларни рус тили, Россия тарихи ва қонунчилиги асослари бўйича тестдан ўтказиш билан боғлиқ.
Ҳужжат воситачиларга мигрантлар учун имтиҳонларда қатнашишни тақиқлайди. Тегишли сертификат бериш ҳуқуқи фақат ҳукумат томонидан белгиланган рўйхатга киритилган ташкилотларга бериш режалаштирилмоқда. Илгари расмийлар тижорат тузилмаларига жараёнда иштирок этишни тақиқлаган эди.
Россия ИИВ 66 минг хорижлик рус тили имтиҳонидан ўта олмаганини маълум қилган. Бу имтиҳонда қатнашган ёки топширмоқчи бўлганлар умумий сонининг чорак қисмини ташкил этади.
“Яна 7,5 минг киши тест синовларидан ўтишга умуман рухсат берилмаган, чунки улар ҳатто бошланғич билимга ҳам эга эмас эди”, дея қўшимча қилган ИИВ раҳбари.
Изоҳ (0)