Ўзбекистонга асосан неча ёшдаги туристлар келгани очиқланди

Ўзбекистонга асосан 31-55 ёшдаги туристлар келгани маълум бўлди. 

Миллий статистика қўмитаси маълумотларига кўра, 2025 йилнинг январь—июль ойларида жами 6,3 млн нафар чет эл фуқароси туристик мақсадларда Ўзбекистонга ташриф буюрган. 

Уларнинг ёш бўйича тақсимоти қуйидагича

• 0-18 ёш — 849 947 нафар;
• 19-30 ёш — 1 030 286 нафар; 
• 31-55 ёш — 3 196 729 нафар;
• 56 ёш ва ундан катталар — 1 242 157 нафар.

2025 йил январь—май ойларида Ўзбекистонга 4,2 миллион нафар чет эл фуқаролари саёҳат учун келган. Бу кўрсаткич 2024 йил мос давридагига қараганда 1,4 миллион нафарга (48,2 фоиз) кўп. Энг кўп сайёҳлар Қирғизистондан ташриф буюрган — 1 280,1 минг нафар — 1,3 миллион нафар. Кейинги ўринларни Тожикистон (993,7 минг нафар) ва Қозоғистон (889,6 минг нафар) вакиллари банд этган. Қолган давлатлардан келган сайёҳлар сони қуйидагича:

• Россия — 334,3 минг нафар;
• Афғонистон — 199,2 минг нафар;
• Туркманистон — 142,5 минг нафар;
• Туркия — 65,8 минг нафар;
• Хитой — 51,9 минг нафар;
• Ҳиндистон — 28,5 минг нафар;
• Италия — 17,4 минг нафар;
• Бошқа давлатлар — 201,1 минг нафар.

Таққослаш учун, 2023 йил январь—май ойларида Ўзбекистонга 2,6 миллион нафар сайёҳ келганди. Улар орасида энг кўпи Тожикистон (797,8 минг нафар) фуқаролари бўлган. Кейинги ўринни қозоғистонликлар (656,5 минг нафар) эгаллаган. Қирғизистон фуқаролари эса учинчи ўринда (649,5 минг нафар) қайд этилган. Яъни икки йил ичида қўшни давлатдан Ўзбекистонга саёҳат қилувчилар сони икки баравар ортган. 2023 йилнинг дастлабки беш ойида республикага 9,6 минг нафар хитойлик сайёҳлар келган. Улар сони икки йилда қарийб беш баравардан ортиқ ўсган.