Турк кино оламида катта аҳамиятга эга бўлган «Олтин капалак» мукофотининг 48-тақдирлаш маросими 4 декабрь куни бўлиб ўтади. Ҳозирда бу мукофотга номзод бўлган туркиялик актриса ва актёрлар, режиссёрлар, шунингдек энг яхши сериаллар рўйхати кўриб чиқилмоқда. «Яндекс Дзен» нашри «Олтин капалак» мукофотининг «Йилнинг энг яхши актрисаси» номига даъвогарлик қилаётган актрисалар рўйхатини тақдим этди.
Кўплаб турк актёрлари ушбу танловда иштирок этишдан бош тортган бўлса ҳам, танлов ўз долзарблигини йўқотмади.
Тақдирлаш маросимларида қатнашиш — статуэтка ёки дипломни қўлга киритиш эмас, жамоатчилик фикрини шакллантирган, кино саноатининг турли соҳаларидаги профессионал мутахассислар эътирофига сазовор бўлишдир. Бу яхши пиар, номзоднинг мукофот олдидан қилган машаққатли меҳнатининг якуни, ҳамкасблар орасида эътироф этилиши, истеъдод ва касбий маҳоратнинг тинимсиз ўсиши туфайли кино оламдаги ижодкорларнинг энг яхши деб топилганлигини омма олдида эълон қилиш имконияти ҳисобланади.
Дастлабки овоз беришдан кейин финал иштирокчилари учун овоз беришнинг иккинчи босқичи бошланди. Pantene ҳомийлигидаги «Олтин капалак» мукофотига номзод бўлган ёш ва тажрибали актрисалар рўйхати тузилди.
Мукофотга номзодлик қилаётган ёш актрисалар қаторида «Оила учун» сериалида Асия образини гавдалантирган Су Бурка Язги Жошкун, шунингдек, «Мени эшит» сериали орқали машҳурликка эришган, унда Эким ролини ижро этган актриса Рабия Сойтурк ҳам бор. Шунингдек, «Йилнинг энг яхши актрисаси» номинациясига даъвогарлар рўйхатидан Пинар Дениз, Демет Ўздемир, Жансу Дере каби тажрибали актрисалар ҳам жой олган.
Овоз беришнинг иккинчи босқичидан сўнг рўйхатга қуйидаги актрисалар киритилди:
Афра Сарачўғлу
Турк актрисаси Афра Сарачўғлу 24 ёш бўлишига қарамай узоқ йиллик тажрибага эга ва шу вақтга қадар тўққизта лойиҳада иштирок этган. У илк марта телеекранларида 2016 йилда суратга олинган «Иккинчи имконият» сериалидаги ижроси билан пайдо бўлди, актриса бу сериалда иккинчи даражали ролни ижро этди. Актриса шундан кейин ҳар йили янги лойиҳаларда суратга туша бошлади. Унинг иштирокидаги энг эсда қоларли сериаллар «Фазилат хоним ва унинг қизлари», «Ҳолаваччалар», «Ешилчам»дир.
Актриса 2022 йилда янги «Yalicapkini» лойиҳасида суратга тушди, у сериалда бош ролни, бой ва нуфузли оила вакили, шу билан бирга танимаган инсонига турмушга чиқишга мажбур бўлган Сейран исмли қиз ролини олди. Янгилик ижтимоий тармоқларни «портлатди», YouTube’да сериалнинг ҳар бир қисми 10 миллион мартадан ортиқ кўрилди. Рейтингларга кўра, лойиҳа етакчи ўринларга кўтарилди. Бу йилги ҳеч бир лойиҳа бундай натижага эришмаган.
Жансу Дере
Жансу Дере — таниқли турк модели ва актрисаси. У кино оламдаги фаолияти давомида 19 та лойиҳада иштирок этган бўлиб, уларнинг бир қанчаси дунё бўйлаб машҳурликка эришган. «Куч. Уйга қайтиш», «Муҳташам юз йил», «Аёл», «Шахсият» каби сериаллар шунга мисол бўла олади.
Актриса бош ролни ўйнаган сўнгги сериал 2020 йилдан 2022 йилгача телевизор экранларида намойиш этилган «Вафосиз» сериалидир. Сериалнинг якуний қисми 2022 йил 25 майда эфирга узатилди. Бу 2020—2021 йилги мавсумнинг энг юқори баҳоланган лойиҳаларидан бири эди. Иккинчи мавсумда рейтинглар сезиларли даражада пасайиб кетди, бироқ сериал ҳали ҳам машҳур бўлиб, жуда катта аудиторияни тўплади ва чет элга сотилди. Актриса ушбу лойиҳада иштирок этгани учун бир неча бор, ҳатто халқаро мукофотларга сазовор бўлган. Ҳозирда у «Олтин капалак» танловида «Йилнинг энг яхши актрисаси» мукофотининг номзодлар рўйхатига киритилди.
Су Буржу Язги Жошкун
Су Буржу Язги Жошкун танловда иштирок этаётган ёш актрисалардан бири ҳисобланади. Актриса ҳозир 18 ёшда, бироқ шунга қарамай телекўрсатувларда катта тажрибага эга. Ёшлигидан актрисалик фаолиятини бошлаган Буржу шу вақтга қадар 10 та лойиҳада суратга тушган. Актрисанинг илк дебюти 2012 йилда бўлган. Ўшанда Су Буржу 6 ёшда бўлган. У турли ёшдаги қизларнинг ролини ижро этган, актриса нафақат Туркияда, балки дунёнинг бошқа мамлакатларида ҳам машҳурликка эришган.
Буржу «Яна севги», «Бизнинг ҳикоямиз», «Аёл», «Қарға» сериалларида суратга тушган, «Оила учун» сериалидаги роли эса актрисанинг фаолиятидаги муҳим роллардан бири бўлди. Лойиҳа бир йилдан ортиқ вақтдан бери давом этмоқда, Су Буржу тўғридан-тўғри экранда катта бўлди, чунки сериал 2021 йилнинг баҳоридан бери давом этмоқда. Ёш актриса ижтимоий тармоқларда мухлисларнинг қўллаб-қувватлаши туфайли машҳурликка эришди. Суратга олиш жараёнларида у «Энг кўп муҳокама қилинган актрисалар» 5 талигидан, шунингдек, «Сериалларда энг кўп муҳокама қилинган жуфтликлар» 5 талигига кирди, шунинг учун Асие ва Дорук ижтимоий тармоқ фойдаланувчилари учун энг севимли сериал жуфтликларидан бири ҳисобланади.
Деврим Ўзкан
Деврим Ўзкан актрисалик фаолиятини «Сен менинг ватанимсан» сериалида бошлаган. У сериалда Ҳавва исмли қиз ролини ижро этган. Машҳурлик унга 2017 йилда суратга олинган «Орзу» сериалидаги Ипек Гирай ролини олиб келди. Шундан сўнг актриса «Оилани бирлаштириш», «Рамо» сериалларида пайдо бўлди. Ҳозирда актриса муваффақиятли лойиҳалардан бирига айланган «Биз билганимиз каби ҳаёт» фильмида Сонгул ролини ижро этмоқда. У ушбу роли учун «Олтин объект» халқаро мукофотида «Романтик жанговар фильмдаги энг яхши актриса» номинациясида мукофотни қўлга киритди.
Рабия Сойтурк
Рабия Сойтрук 26 ёшда, шунинг учун уни дебютант деб бўлмайди. У кино оламдаги фаолияти давомида 6 та лойиҳада суратга тушган. Актриса иштирокидаги «Шахсият», «Гулпари», «Менинг исмим Малак» лойиҳалари машҳурликка эришган, бироқ у фильмда иккинчи даражали ролларни ижро этган. Унинг ижодий фаолиятидаги бурилиш нуқтаси «Алпарслон» сериалидаги иштироки бўлди. У сериалда бош қаҳрамон Сулаймоннинг акаси Караджининг рафиқаси ролини ижро этган бўлса ҳам, асосий эмас, бироқ муҳим ролни ўйнади. Актриса «Мени эшит» сериалида суратга тушгандан кейин машҳурликка эришди, Эким ва Канат жуфтлиги ижтимоий тармоқларда фаол муҳокама қилинмоқда. Ёзги лойиҳани суратга олиш жараёнида эса унинг Instagram’даги обуначилар сони 1,5 миллиондан ошди.
Дениз Байсал
Дениз Байсал турк киносидаги тажрибали актрисалардан бири, у ҳозирга қадар 14 та лойиҳада рол ўйнаган, уларнинг бир қанчаси машҳурликка эришган. Актрисанинг фаолияти давомидаги энг яхши ижроларидан бири «Фазилат хоним ва унинг қизлари» сериалидаги Ҳазан роли ҳисобланади. Ҳозирда актриса бир неча мавсумдан бери «Разведка» сериалида суратга тушмоқда, у сериалда махсус кучлар ходими ролини ижро этди. Бир неча мавсум давомида унинг партнёри Чағлар Эртуғрул бўлди, энди эса актриса Мурат Йилдирим билан бирга сериалда суратга тушади.
Пинар Дениз
Пинар Дениз дунёга машҳур турк актрисаларидан бири, у ҳозирга қадар 13 та лойиҳада суратга тушган. Сўнгги пайтларда актриса рақамли платформалар учун сериаллар ва фильмларда фаол рол ўйнамоқда. «Севги 101» сериали, Netflix учун «Севги апокалипсиси» фильми, Туркиянинг БЛУ ТВ платформаси учун «Ўйлаб кўринг» лойиҳалари шунга мисол бўла олади. Пинар суратга олиш жараёнлари пайтида ҳали намойиш этилмаган жиноят тўғрисидаги «Қоронғи тун» фильмида суратга тушди.
Ҳозирда актриса иккинчи мавсумда нафақат Туркияда, балки чет элда ҳам катта томошабинларни ўзига жалб этаётган энг юқори рейтингга эга «Жумла» сериалида рол ўйнамоқда. Мазкур лойиҳа ҳам унинг иштирокчилари қатори кўплаб мукофотларга сазовор бўлган ва ўтган йили «Олтин капалак» танловида «Энг яхши сериал жуфтлиги» номинациясида Жайлин-Илгаз жуфтлиги ғолиб бўлган. Эндиликда актриса «Йилнинг энг яхши актрисаси» унвонига даъво қилмоқда.
Демет Ўздемир
Демет Ўздемир ҳам турк киносининг истеъдодли актрисаларидан бири ҳисобланади. Унинг иштирокидаги лойиҳалар ҳар доим муваффақиятли бўлган ва жамоатчилик эътирофига сазовор бўлган. Актриса сўнгги пайтларда рақамли платформалардаги сериалларда суратга тушмоқда. Унинг иштирокидаги «Севги тактикаси» фильми рейтинг жадвалида юқори ўринларни эгаллади ва унинг 2-фасли суратга олинди. Сериалнинг суратга олиш ишлари аллақачон якунланган ва Netflix обуначилари келаси йили янги романтик комедия йўналишидаги лойиҳани томоша қилиши мумкин. «Дунё ва менинг орам» сериали ҳозиргача фақат Туркияда намойиш этилган Disney+ телеканалида муваффақият қозонди. У келаси йили бошқа мамлакатлардаги Disney+ обуначиларига тақдим этилади.
Буржу Бирижик
Буржу Бирижик нафақат Туркияда, балки бошқа мамлакатларда ҳам машҳурликка эришган. Актриса умумий 17 та лойиҳада суратга тушган. У ўзининг «Номус», «Ҳаёт қўшиғи», «Қарға» сериалларидаги ижросидан мамнунлигини айтган. У Netflix’даги муваффақиятли лойиҳалардан бирига айланган ва дунёнинг кўплаб мамлакатларида машҳур бўлган «Фатма» рақамли лойиҳасида рол ижро этди. Сериалнинг 2-мавсуми суратга олиниши ҳақида маълумотлар бор эди, бироқ ҳозиргача бу ҳақда хабар берилмади. Буржу олдинги мавсумларга қараганда рейтингларда тушиб кетган, бироқ барибир катта аудиторияни тўплаган «Ойна ортидаги қиз» сериалида суратга тушмоқда.
Эзги Мола
Эзги Мола ижодий фаолияти давомида 35 та лойиҳада рол ўйнаган, бироқ кўплаб томошабинлар уни Сафие ролини ижро этган «Бегуноҳлар квартираси» сериалидаги роли орқали танийди. Лойиҳа 2022 йил 24 май куни якунига етди ва у 1-мавсумга нисбатан рейтингда ютқазди. Бироқ сериалнинг содиқ мухлислари учун бу психологик драма бутун трансляция давомида севимли кинолардан бири бўлиб қолди. Актрисанинг сўнгги лойиҳаларидан бири «Эршан кунери» сериалидаги иштирокидир.
Бу турк актрисалари «Йилнинг энг яхши актрисаси» мукофотига номзод сифатида финалчилар рўйхатига киритилди.
Мавзуга доир:
- Ҳанде Эрчел, Фаҳрие Эвжен ва вазн йўқотиб, таниб бўлмас даражада ўзгарган бошқа турк актрисалари (фото).
- Бурак Ўзчивит, Киванч Татлитуғ ва бошқа машҳур турк актёрлари кинодаги карьераси давомида қанчалик ўзгарган?
- Суратга олиш майдончасида жанжал келтириб чиқарган энг инжиқ турк актёр ва актрисалари (фото).
- 2023 йилда Netflix’дан интиқлик билан кутилаётган 7 та турк сериали.
Изоҳ (0)