Шавкат Мирзиёев 31 октябрь куни амалий ташриф билан Навоий вилоятига жўнаб кетди.
Президент матбуот хизматининг хабар қилишича, Навоий вилояти индустриал салоҳияти юқори ҳудуд. Иқтисодий ва инвестициявий имкониятлар туфайли сўнгги йилларда бу янада ошиб бормоқда. Сафар давомида давлат раҳбари улкан индустрия лойиҳалари, янги корхоналар ва таълим масканлари фаолияти билан танишади.
Ташрифнинг иккинчи куни янги лойиҳаларни ишга тушириш ва вилоятни янада ривожлантириш бўйича йиғилиш ўтказиш режалаштирилган. Унда ҳудудни ижтимоий-иқтисодий ривожлантириш бўйича келгуси устувор вазифалар белгилаб берилади.
Давлат раҳбари вилоятга сўнгги марта 2022 йилнинг ноябрида ташриф буюрганди. Давлат раҳбари халқ депутатлари вилоят кенгаши йиғилишида иштирок этганди. Ўшанда Нормат Турсунов Навоий вилояти ҳокими этиб тасдиқланганди.
Изоҳ (0)