Кармана тумани ҳокими Валижон Адизов Иш фаолияти давомида йўл қўйган хато ва камчиликлари, ўзига юклатилган лавозим мажбуриятларини лозим даражада бажармай келган. Бу ҳақда Навоий вилоят ҳокими фармойишида баён этилган.
Туман ҳокими Валижон Адизов Меҳнат кодексининг 312-моддаси (нтизомий жазо чоралари) биринчи қисмининг 1-бандига асосан “ҳайфсан” интизомий жазо чораси қўлланилган. Бунга Валижон Адизовнинг вилоят ҳокими номига ёзган тушунтириш хати асос қилинган.
Валижон Адизов жорий йилнинг январь ойида Кармана тумани ҳокими этиб тайинланган. У бунга қадар Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Навоий вилояти ҳудудий бошқармаси бошлиғи ўринбосари лавозимида ишлаб келган.
Июль ойида Кармана туманида 5 нафар масъул шахс 2023 йил кузи ва 2024 йил баҳор мавсуми давомида экилган дарахт кўчатлари парваришига эътибор қилинмагани, суғорилмагани, агротехник тадбирлар амалга оширилмагани учун жарима тортилганди.
Изоҳ (0)