Ўзбекистоннинг қайси ҳудудида автотранспорт воситаларини таъмирлаш хизматларига талаб юқорилиги маълум қилинди.
Статистика агентлиги маълумотларига кўра, 2024 йилнинг январь-июнь ойларида автотранспорт воситаларига техник хизмат кўрсатиш, таъмирлаш ва мотоциклларни таъмирлаш бўйича хизматлар ҳажми 2,6 триллион сўмни ташкил этган.
Ҳудудлар бўйича автотранспорт воситаларига техник хизмат кўрсатиш, таъмирлаш ва мотоциклларни таъмирлаш бўйича хизматлар ҳажми:
- Қорақалпоғистон – 91,6 миллиард сўм;
- Андижон вилояти – 218,3 миллиард сўм;
- Бухоро вилояти – 145,3 миллиард сўм;
- Жиззах вилояти – 88,4 миллиард сўм;
- Қашқадарё вилояти – 124 миллиард сўм;
- Навоий вилояти — 109,6 миллиард сўм;
- Наманган вилояти – 109,9 миллиард сўм;
- Самарқанд вилояти – 263,9 миллиард сўм;
- Сурхондарё вилояти – 94,9 миллиард сўм;
- Сирдарё вилояти – 37,9 миллиард сўм;
- Тошкент вилояти – 361,6 миллиард сўм;
- Фарғона вилояти – 306,6 миллиард сўм;
- Хоразм вилояти – 115,9 миллиард сўм;
- Тошкент шаҳри – 528,3 миллиард сўмни ташкил этган.
Жорий йилнинг январь–июль ойларида мамлакатда энг кўп ишлаб чиқарилган автомобиль Cobalt бўлди. UzAutoMotors етти ой давомида 84 758 дона Cobalt ишлаб чиқарди. Ўтган 2023 йилнинг мос даврида бу кўрсаткич 55 968 донани ташкил этган.
Ҳисобот даврида Damas ҳам бошқа автомобилларга қараганда кўп ишлаб чиқарилган — 48 884 дона. Таққослаш учун, 2023 йил мос даврида бу рақам 43 497 дона бўлган.
Шу билан бирга, январь–июль ойларида 23 378 дона Tracker, 18 238 дона Onix, 11 300 дона Kia ва 4 869 дона Chery автомобиллари конвеердан чиққан. Йил бошидан июль якунигача Gentra ишлаб чиқариш ҳажми 70,9 фоизга камайиб, жами 12 837 донани ташкил этган. Таққослаш учун, 2023 йилнинг дастлабки етти ойида республикада 44 179 дона, 2022 йил мос даврида эса 47 600 дона Gentra конвеердан чиққан.
Эслатиб ўтамиз, UzAutoMotors жорий йил июль ойи якунида Lacetti (Gentra) ишлаб чиқариш тўхтатилганини маълум қилди. Асака заводида ушбу моделдаги автомобиллар 2013 йилдан ишлаб чиқарила бошланган. Ўтган 11 йил мобайнида завод конвеерида жами 487 104 дона Lacetti ишлаб чиқарилган.
Изоҳ (0)