Shavkat Mirziyoyev 31-oktyabr kuni amaliy tashrif bilan Navoiy viloyatiga jo‘nab ketdi.
Prezident matbuot xizmatining xabar qilishicha, Navoiy viloyati industrial salohiyati yuqori hudud. Iqtisodiy va investitsiyaviy imkoniyatlar tufayli so‘nggi yillarda bu yanada oshib bormoqda. Safar davomida davlat rahbari ulkan industriya loyihalari, yangi korxonalar va ta’lim maskanlari faoliyati bilan tanishadi.
Tashrifning ikkinchi kuni yangi loyihalarni ishga tushirish va viloyatni yanada rivojlantirish bo‘yicha yig‘ilish o‘tkazish rejalashtirilgan. Unda hududni ijtimoiy-iqtisodiy rivojlantirish bo‘yicha kelgusi ustuvor vazifalar belgilab beriladi.
Davlat rahbari viloyatga so‘nggi marta 2022-yilning noyabrida tashrif buyurgandi. Davlat rahbari xalq deputatlari viloyat kengashi yig‘ilishida ishtirok etgandi. O‘shanda Normat Tursunov Navoiy viloyati hokimi etib tasdiqlangandi.
Izoh (0)