Ла Лига. “Барселона” “Валенсия” устидан иродали ғалабага эришди, Левандовскидан дубль

Футбол бўйича Испания Ла Лигасининг 1-турида “Барселона” 17 август, шанба куни “Валенсия”га қарши баҳс олиб борди.

Учрашувнинг 44-дақиқасида Ҳьюго Дуро боши билан тер Стеген дарвозасини ишғол қилиб, ҳисобни очди. 45+5-дақиқада эса Роберт Левандовски гол уриб, ҳисобни тенглаштиришга муваффақ бўлди.

Иккинчи бўлим бошида каталонияликлар футболчиси Рафинья пенальти ишлаб олди. 49-дақиқада Левандовски ушбу пенальтини аниқ амалга оширди ва жамоасини ҳисобда олдинга олиб чиқди. 

Қолган дақиқаларда дарвозалар дахлсиз қолди ва “кўк-анорранглилар” мавсумни ғалаба билан бошлади.

Ла Лига

1-тур

17 август, шанба

“Валенсия” — “Барселона” 1:2

Голлар: 1:0 – 44 Дуро, 1:1 – 45+5 Левандовски, 1:2 – 49 Левандовски (пенальти).

“Валенсия”: Мамардашвили, Хесус Васкес (Техон, 77), Гасоровски, Москера, Терри Коррейя, Герра, Пепелу, Диэго Лопес (Фулке, 66), Рафа Мир (Оторби, 77), Андре Алмейда (Дани Гомес, 66), Дуро.

“Барселона”: тер Стеген, Балде (Мартин, 64), Мартинес, Кубарси (Кристенсен, 64), Кунде, Касадо, Бернал (Эрик Гарсия, 71), Ферран Торрес (Педри, 64), Рафинья, Ямал  (Пау Виктор, 86), Левандовски.

Огоҳлантиришлар: Пепелу (38), Хесус Васкес (45+5), Кубарси (45+2), Бараха (57), Кристенсен (69), Кунде (81).