“Валенсия” дарвозабони Георгий Мамардашвилининг “Ливерпуль”га ўтиши амалга ошмаслиги мумкин, деб ёзади Marca нашри.
Испания клуби эгаси Петер Лим 23 ёшли грузиялик учун камида 40 миллион евро талаб қилмоқда, аммо “Ливерпуль” бундай суммани тўлаш ниятида эмас. Томонлар ўртасидаги барча музокаралар якунига етмай қолиши мумкин. Барчаси мерсисайдликлар 40 миллион еврога рози бўлиш ёки бўлмаслигига боғлиқ.
Аввалроқ “Ливерпуль” Мамардашвилини ўз сафига қўшиб, дарҳол “Борнмут”га ижарага бериши ҳақида хабарлар тарқалган эди
17 август, шанба куни дарвозабон “Барселона” билан ўйинда иштирок этди, бу клублар ўртасидаги музокаралар мураккаблашганидан далолат бериши мумкин.
Мамардашвилининг испан клуби билан шартномаси 2027 йилнинг ёзига қадар мўлжалланган. Ўтган мавсумда дарвозабон 32 та ўйинда майдонга тушиб, 12 тасида ўз дарвозаси дахлсизлигини сақлаб қолган, қолган ўйинларда 34 та гол ўтказиб юборган.
Transfermarkt порталида берилган маълумотларга кўра, футболчининг бозор қиймати 45 миллион еврони ташкил қилади.
Изоҳ (0)