“Барселона”нинг 17 ёшли футболчиси учун ушбу мавсум тугади

Август ойи охирида Ла Лига доирасидаги “Валенсия”га қарши ўйинда Берналнинг чап тиззасининг олдинги хочсимон боғлами ёрилиб кетган эди.

“Барселона” матбуот хизмати хабарига кўра, Бернал 9 сентябрь куни муваффақиятли операция қилинди.17 ёшли футболчининг тикланиши учун камида 12 ой вақт керак бўлиши кутилмоқда.

Бернал мавсумолди тайёргарлик натижаларига кўра, “Барселона”нинг асосий таркиби футболчисига айланди.

Эслатиб ўтамиз, ўтган йили “Барселона” ярим ҳимоячиси Гави жароҳат сабаб шунча вақт давомида жамоага ёрдам бера олмаслиги маълум бўлганди ва у тикланишда давом этмоқда.

“Барселона” Испания чемпионатининг навбатдаги ўйинини 15 сентябрь, якшанба куни меҳмонда “Жирона”га қарши ўтказади.