Muzlagan va terlagan oynalar, iflos salon — bularning barchasi haydovchilarga yaxshi tanish holat. Ushbu maqolada vaqt, pul va asablarni tejashga yordam beradigan foydali layfhaklarni to‘plaganmiz.
Yoqimsiz hidni ketkazish uchun kiyim quritishda ishlatiladigan salfetka
Agar avtomobildagi yoqimsiz hiddan tezda qutulmoqchi bo‘lsangiz, kiyim quritishda ishlatilinadigan salfetkadan foydalaning. Ularni skotch bilan yopishtirib qo‘yish yoki ventilyatsiya teshiklariga o‘rab qo‘yish mumkin. Ushbu teshiklardan chiqqan havo avtomobil ichida yangi hid taradi.
Avtomobildagi “vmyatina”ni ketkazish uchun vantuz
Avval “vmyatina” bo‘lgan joyni tozalang. Keyin ustidan qaynoq suv quying, vantuzni o‘sha joyga bosing. So‘ngra “vmyatina” tekis bo‘lguncha o‘zingizga ehtiyotlik bilan torting. Zarur bo‘lsa, mazkur harakatlarni yana takrorlash mumkin.
Havo sovuq bo‘lganda issiq suvdan foydalanish yaramaydi. Aks holda avtomobil bo‘yog‘i ko‘chishi mumkin.
Oynalar terlaganda soqol olish ko‘pigidan foydalaning
Terlashning oldini olish uchun oynalarni yaxshilab tozalagandan so‘ng, ularga soqol olganda ishlatiladigan ko‘pik yoki gel surting. Yaxshilab surtib, butun yuzaga tarqating — ortiqchasini qog‘oz salfetkada olib tashlash mumkin.
Oynalarni gazeta bilan tozalash
Derazalarni artish uchun mikrofibra latta o‘rniga oddiy gazetadan foydalanish mumkin. Bu nafaqat arzon, balki ekologik toza ham. Bundan tashqari, yuvish uchun ovora bo‘lish shart emas.
Muzlashdan himoyalovchi plastik paket
Yon oynalarni muzlashdan himoya qilish uchun ularni plastik paket bilan o‘rang. Agar shunaqasi bo‘lmasa, oddiy sellofan paketdan foydalaning, lekin bu holda ularni skotchlang.
Oynalardagi muzni ketkizishda piyozdan foydalaning
Yon va old oynaga kechasi qattiq sovuq tushmasdan oldin yarimta piyoz surting. Bu usul oynalarda muz hosil bo‘lishining oldini olishga yordam beradi.
“Dvornik”lar oynaga yopishib qolganda spirt va paypoqdan foydalaning
Ko‘pchilik “dvornik”larni yuqoriga ko‘tarib qo‘yadi, chunki ular old oynaga yopishib qolmasligi kerak. Buning o‘rniga ularni spirt bilan artish tavsiya etiladi. Bundan tashqari, muz hosil bo‘lishining oldini olish uchun “dvornik”larga eski paypoqlarni kiygizib qo‘yish mumkin.
Qor va loyga botib qolganda asqatadigan “kovrik”lar
Avtomobil “kovrik”lari faqat salonni toza saqlash uchun ishlatilmaydi. Masalan, kichik baxtsiz hodisa yuz berib, qor yoki loyda qolib ketgan bo‘lsangiz, ulardan foydalanish mumkin. Bunday holda “kovrik”larni g‘ildiraklar ostiga qo‘yish mumkin.
Izoh (0)