Шавкат Мирзиёев 23 октябрь куни амалий ташриф билан Россиянинг Қозон шаҳрига жўнаб кетди, деб хабар бермоқда Президент матбуот хизмати.
Давлат раҳбари БРИКС саммити тадбирларида иштирок этади ва қатор икки томонлама учрашувлар ўтказади.
Шавкат Мирзиёевни ушбу саммитда иштирок этишга Владимир Путин таклиф қилган. Ўзбекистон президенти “БРИКС плюс” форматидаги ялпи сессияда нутқ сўзлайди. Учрашув кун тартибидан инклюзив ва барқарор тараққиётни таъминлаш мақсадида халқаро ҳамкорликни кенгайтириш масалалари ўрин олган. Шунингдек, глобал сиёсатнинг долзарб жиҳатлари муҳокама қилинади.
БРИКС бирлашмаси 2006 йилда ташкил этилган. Ҳозирда Бразилия, Россия, Ҳиндистон, Хитой, Жанубий Африка Республикаси, Бирлашган Араб Амирликлари, Эрон, Миср ва Эфиопия унинг аъзолари ҳисобланади.
Изоҳ (0)