Буюк Британиянинг The Telegraph нашри саргузашт истовчи сайёҳларга бориш тавсия этиладиган 50 та туристик йўналиш рўйхатини тузиб чиқди. Рўйхатнинг биринчи поғонаси Ўзбекистонга насиб қилган.
Материал муаллифлари Ўзбекистонга баҳорда, март ойида, Наврўз байрами вақтида келишни тавсия қилган.
«Ўзбекистон жадал тараққиёт даврини бошдан кечиряпти. Жоанна Ламлининг муаллифлик дастури ва яқинда виза талабларининг соддалаштирилгани ҳисобига мамлакатга ташриф буюрувчилар сони кескин ошиб кетди. Шу боисдан ҳам Ламлининг телевизион саёҳат дастури — «Ипак йўли саргузаштлари» экспертлари Наврўз байрамидаги Ўзбекистонни илк марта кўрсатиб берди. Бу баҳорий фестиваль туристларга ўзбеклар ҳаёти ҳақида чуқур тасаввур беради.
Наврўз саёҳати Хива, Бухоро ва Самақанд каби тарихий шаҳарларни ўз ичига олади. Саёҳат давомида шу ерлик оилалар билан тушлик қилиш, юқори савияда хизмат кўрсатувчи ресторанларда овқатланиш, анъанавий ёғоч ўймакорлиги ва кулолчилик усталари ҳамда замонавий дизайнерлар ишини кузатиш, сўйилган эчки билан от устида ўйналадиган шиддатли ўйин — кўпкарини томоша қилиш ҳам мумкин», — дейилади мақолада.
Қўшимча қилинишича, «Ипак йўли саргузаштлари» лойиҳаси доирасида Наврўз кунлари Ўзбекистонга 11 кунлик сафар нархи 3 550 фунтдан бошланади. Бу нарх ичига турар жой, овқатланиш ва транспорт харажатлари киритилган бўлиб, Ўзбекистонга келиб-кетиш учун авиачипталар алоҳида сотиб олинади.
The Telegraph’нинг 50талик тўлиқ рўйхати:1. Ўзбекистонда Наврўз2. Кения саванналари3. Бутандаги Олтита ҳиссиёт деб аталмиш янгича «кулбалар»4. Никарагуанинг маҳаллий аҳолиси билан танишув5. Покистондаги Ҳиндукуш тоғлари6. Россиянинг Мурманск вилоятида яшовчи сами халқи билан танишув7. Жанубий Америка тарихига Аргентина ва Чилида саёҳат қилиш8. Кашф этилмаган Малави (Африка)9. Финляндияда шимол ёғдусини кузатиш10. Гаяна жунгли ўрмонлари ва қишлоқлари (Шимолий Америка)11. Буюк Хитой девори, Тяньаньмэнь майдонида варрак учириш, пандалар ҳаётини кузатиш12. Норвегиянинг бетакрор табиати ва қутб айиқлари13. Колумбиядаги тропик ўрмонлар, тоғлар ва шаршаралар14. Ливаннинг нодир гўшалари15. Гренландия оролидаги тундра ва чанғи учиш16. Буюк Британия миллий боғлари ва водийлари17. Португалия тоғлари бўйлаб велосипедда саёҳат, Мадейра оролида меҳмон бўлиш18. Анд тоғлари орқали Аргентинадан Чилига қадар электровелосипедда бориш19. Янги Зеландиянинг мусаффо табиати20. Япониянинг сўлим ва тинч қишлоқлари бўйлаб пиёда сафар — Алп тоғларидаги қадимий самурайлар йўли21. Словениядаги Ёгар водийси – чўққи ва шаршаралар, ўрмон саёҳати, ёга ва медитация дарслари22. Перуни пиёда кезиш — Мачу Пикчу ва инклардан қолган бошқа ёдгорликлар23. Италияга зиёрат сафари24. Австралия бўйлаб пиёда ва қайиқдаги саёҳат25. Инглиз каналидаги Уайт ороли26. Кариб денгизидаги Доминика ороли27. Албания, Косово ва Шимолий Македонияга поезд ва паромда саёҳат28. Австралиядаги Маржон қирғоқлари29. Гибралтар бўғозидан ўтиб, Марокаш шаҳарларини кезиш30. АҚШнинг Аляска штати — ёввойи табиат бағрида мототциклда саёҳат31. Намибия, Боцвана ва Зимбабве (Виктория шаршараси)32. Тожикистон ва Қирғизистон манзаралари — кўллар, Помир ва Фон тоғлари этакларида пиёда ва автомобилда сайр (Афғонистоннинг Воҳан йўлагига қадар)33. Бепоён Канада бўйлаб поезд саёҳати — шимолдаги тоғли Юкон ҳудуди, қор устида пиёда юриш, муз устида балиқ овлаш, шимол ёғдуси34. Ирландиянинг қояли кенгликлари, қадимий қасрлар ва шаҳарлар35. Шотландиянинг кўк-яшил денгизли ороллар архипелаги, коноеда эшкак эшиш, делфинлар36. Судан — Қизил денгиз соҳилларидаги пляжлар, моторли қайиқда бетакрор манзаралар37. Австралия атрофида 27 кунлик кема саёҳати38. Сейшел ороллари (Африка шарқида) — яхтада сайр, ўзига хос пляжлар ва экспедициялар39. Кариб денгизи бўйлаб кичик кемада бир ҳафталик саёҳат40. Шри-Ланка табиатидан баҳра олиш ва ижтимоий лойиҳаларда волонтёр сифатида қатнашиш41. Канаданинг Манитоба провинцияси — кит, дельфин ва қутб айиқлари (таг қисми шаффоф ойнали қайиқ)42. Норвегия қирғоқларида кицимон балиқлар маконига сайр43. Испания қирғоқлари, ўрмон ва шаҳарлари44. Бразилия ёввойи табиати билан танишиш — ягуарлар, денгиз филлари, китлар ва пингвинлар45. Мўғулистон — фаол вулқонлар, қимирлаб турувчи музли кўллар46. Осиё бўйлаб 26 ҳафталик саёҳат — Истанбул (Туркия), Катманду (Непал), Боку (Озарбайжон), Каспий денгизида паромлар, Кавказ, Марказий Осиё, Ҳималай ва Қорақўрам тоғлари, Тож Маҳал ва бошқалар.47. Сьерра-Леоне — Африка ёввойи табиати, Банан ороллари, Крио қишлоғи, Фритаун48. Чилига астрономик саёҳат — 14 декабрдаги тўлиқ Қуёш тутилишини Атакама саҳросида жойлашган машҳур сайёҳлик обсерваториясида кузатиш49. Астрономлар билан «Янги олимнинг янги фазоси: ўтмиш ва келажакка саёҳат» номли тур (АҚШ) — NASA музейлари, Розуэллнинг NUJ маркази, «Very Larga Array» радиотўлқин обсерваторияси, «Virgin Galactic»нинг фазо порти50. Непалдаги Буюк Ҳималай трассаси бўйлаб тоғ саёҳати.
Аввал АҚШнинг Harper’s Bazaar нашри 2020 йилда туристларга саёҳат қилиш тавсия қилинадиган 20 та энг яхши йўналиш рўйхатини тақдим қилган ва ушбу рейтингда ҳам Ўзбекистон етакчи ўринда қайд этилган.
Изоҳ (0)