10 апрель санасида Мексиканинг Монтеррей шаҳрида КОНКАКАФ Чемпионлар кубоги чорак финал жавоб учрашуви бўлиб ўтди.
Унда Мексика клуби 3:1 ҳисобида ғалаба қозониб, турнирнинг ярим финалига йўл олди (биринчи ўйин натижаси— 2:1).
31-дақиқада мезбонлар ҳужумчиси Брандон Васкес ҳисобни очди. 58-дақиқада Герман Бертераме ҳисобни йириклаштирди. 64-дақиқада ярим ҳимоячи Хесус Галлардо гол уриб, ҳисобни 3:0 кўринишига олиб келди. 78-дақиқада ҳимоячи Хорди Альба иккинчи бор сариқ карточка олиб, меҳмонлар озчиликда қолди. 85-дақиқада ярим ҳимоячи Диего Гомес аргентиналик ҳужумчи Лионель Мессининг узатмасидан “Интер Майами”нинг ягона жавоб голини киритди.
Месси меҳмонлар сафида асосий таркибда майдонга тушди ва жамоасининг ягона голига ассистентлик қилди. Уругвайлик ҳужумчи Луис Суарес ҳам тўлиқ ўйин ўтказди.
Чемпионлар кубоги
1/4 финал жавоб баҳси
10 апрель, якшанба
“Монтеррей” — “Интер Майами” 3:1
Голлар: 1:0 —Васкес (31), 2:0 — Бертераме (58), 3:0 — Галярдо (64), 3:1 —Гомес (85).
“Монтеррей”: Андрада, Медина, Гусман, Артеага, Галярдо (Лопес, 80), Меса (Кортисо, 80), Каналес (Гонсалес, 85), Ромо (Канту, 85), Агирре, Васкес (Говеа, 76), Бертераме.
“Интер Майами”: Келлендер, Вейгандт, Фрейре, Аллен, Авилес, Альба, Бускетс, Грессел, Гомес, Месси, Суарес.
Огоҳлантиришлар: Суарес (70), Альба (74), Медина (84).
Четлатиш: Альба (78).
Биринчи ўйин — 1:2.
Изоҳ (0)