Футбол бўйича 14 март, пайшанба куни КОНКАКАФ Чемпионлар кубоги 1/8 финал баҳси бўлиб ўтди. Унда “Интер Майами” ўз уйида жамоаси “Нешвил”ни қабул қилиб, 3:1 ҳисобида ғалаба қозонди.
“Интер Майами” ҳужумчиси Лионель Месси “Нешвил” дарвозасига гол урди ва голли узатмани амалга оширди.
Мавсумнинг атиги 5 ўйинида, жумладан MLSда 36 ёшли аргентиналик футболчи 5 гол ва 2 голга ассистентлик қилди.
Ушбу учрашувда “Интер Майами” ҳужумчиси Луис Суарес ҳам гол ва голли узатмани амалга оширди. Мавсумдаги 6 та ўйинда 37 ёшли уругвайлик ҳужумчи гол ва голли узатмаларда 9 (4+5) очко жамғарган.
Жамоалар ўртасидаги биринчи ўйин дуранг (2:2) билан якунланган эди. Шу тариқа Месси ва унинг жамоадошлари кейинги босқичга йўл олишди.
КОНКАКАФ Чемпионлар Кубоги
1/8 финал баҳси
Жавоб учрашуви
14 март, пайшанба
“Интер Майами” — “Нешвил” 3:1
Изоҳ (0)