MLS. “Интер Майами” ўзида рақиби устидан ишончли ҳисобда ғалаба қозонди, Мессидан дубль ва голли узатма (видео)

MLS чемпионатидан ўрин олган “Интер Майами” ва “Нешвилл” жамоалари ўртасидаги учрашув бугун, 21 апрель тонгида бўлиб ўтди.

Учрашувнинг 2-дақиқасида Негри ўз дарвозасини ишғол қилди ва “Нешвилл”нинг ҳисобда олдинга чиқиб олишига сабабчи бўлди. 11-дақиқада Лионель Месси ҳисобни тенглаштирди.

39-дақиқада Леонинг узатмасидан сўнг Серхио Бускетс “Интер Майами”нинг иккинчи голига муаллифлик қилди. 81-дақиқада эса Месси пенальтидан унумли фойдаланиб, учрашувдаги якуний голни урди.

“Интер Майами” очколари сонини 18 тага етказиб, мусобақа жадвалида биринчи ўринни эгаллаб турибди. 

MLS

21 апрель, якшанба

“Интер Майами” — “Нешвилл” 3:1

Голлар: 0:1 – 2 Негри (автогол), 1:1 – 11 Месси, 2:1 – 39 Бускетс, 3:1 – 81 Месси (пенальти).

“Интер Майами”: Келлендер, Вейгандт, Фрейре, Авилес, Негри, Бускетс, Грессел (Брайт, 74), Руис, Гомес (Афонсо, 41), Месси, Суарес (Кремаски, 88).

“Нешвилл”: Паникко (Уиллис, 46), Bauer, Ловиц, Макнафтон (Меер, 51), Мюл, Годой (Леал, 85), Дэвис (Анунга, 74), Ервуд (Сейдич, 74), Мухтар, Серриж, Шаффелбург.

Огоҳлантиришлар: Руис (27), Вейгандт (40), Макнафтон (50).