Futbol bo‘yicha MLS’ning so‘nggi tur uchrashuvlari bo‘lib o‘tdi.
“Inter Mayami” o‘z uyida “Nyu Inglish Revolushn” jamoasini qabul qildi. Uchrashuv Fort-Loderdey shahrida bo‘lib o‘tdi va 6:2 hisobida mezbonlarning yirik g‘alabasi bilan yakunlandi.
Mezbonlar safida Lionel Messi xet-trik qayd etgan bo‘lsa, Luis Suares dublga erishdi va yana bir golni Benha Kremaski kiritdi. Messi bitta, Suares esa ikki golga assist amalga oshirdi.
Qiziqarlisi, mehmonlar Luka Langoni va Dilan Borreroning goli evaziga 2:0 hisobida oldinga chiqib olgandi. Keyinchalik ular 6 ta gol o‘tkazib yubordi.
Bu “Inter Mayami”ning MLS muntazam mavsumidagi so‘nggi o‘yini bo‘ldi. Jamoa muddatidan avval chempionlikni rasmiylashtirgan.
MLS
So‘nggi tur
19-oktyabr, shanba
Gollar: 0:1 — Luka Langoni (2), 0:2 — Dilan Borrero (34), 1:2 — Suares (40), 2:2 — Suares (43), 3:2 — Benha Kremaski (58), 4:2 — Messi (78), 5:2 — Messi (81), 6:2 — Messi (89).
Izoh (0)