Хоразм вилоятидаги боғчалардан бирида болаларни уриб дарс ўтган тарбиячилар ишдан бўшатилди. Бу ҳақда вилоят Мактабгача ва мактаб таълими бошқармаси ахборот хизмати хабар берди.
Келтирилишича, видеолавҳада Урганч тумани 23-сон мактабгача таълим ташкилоти ходимларининг тарбияланувчиларга нисбатан қўпол муомалада бўлаётган ҳолати акс этган. Ушбу вазиятни ўрганиш мақсадида Хоразм вилояти Мактабгача ва мактаб таълими бошқармаси томонидан ишчи гуруҳи шакллантирилиб ўрганиш ишлари олиб борилди.
Иш фаолияти давомида йўл қўйган қўпол хато ва камчиликлари учун Урганч тумани 23-сон мактабгача таълим ташкилоти тарбиячи ва ёрдамчи тарбиячиси Р.М ва А.М билан тузилган меҳнат шартномаси бекор қилинди.
Изоҳ (0)