АҚШ Ғазо сектори ва Иордан дарёсининг ғарбий соҳилидаги фаластинликларга 336 миллион доллар миқдорида қўшимча гуманитар ёрдам кўрсатиш ниятида.
Бу ҳақда Америка халқаро тараққиёт агентлиги (USAID)даги манбаларга таяниб, Reuters агентлиги хабар бермоқда.
Қайд этилишича, молиялаштириш ушбу ҳудудларга озиқ-овқат, дори-дармон ва асосий эҳтиёжларни етказиб бериш, шунингдек, Исроил армиясининг ҳаракатлари туфайли уйларини тарк этишга мажбур бўлган фаластинликларни келаётган қишда вақтинчалик уй-жой билан таъминлаш имконини беради.
USAID’нинг билдиришича, Ғазо сектори ва Ғарбий Соҳил гуманитар инқироз ҳолатида.
“Қўшма Штатлар можаронинг барча томонларини сулҳга ва гаровга олинганларни зудлик билан озод қилишга, шунингдек, Ғазо секторига ва унинг ичида кенг кўламли гуманитар ёрдам етказиб бериш имкониятини таъминлаш бўйича келишиб олишга чақиради”, дейилади агентлик хабарида.
Изоҳ (0)