2000 йилларнинг бошида Бразилия телеканалларида “Клон” сериали эфирга узатила бошлаганига мана 23 йил тўлди. Бутун дунёда бир неча тилларга таржима қилинган машҳур лойиҳа бош қаҳрамонларни Жованна Антонелли ва Мурило Бенисио ижро этган.
Сериал суратга олиш пайтида Жованна бадавлат тадбиркорга турмушга чиққанига бир йил бўлган эди. Мурило эса актриса Каролина Ферраз билан муносабатларини эндигина тугатган ва бир фарзанднинг отаси эди. Кўп ўтмай Жованна турмуш ўртоғи билан ажрашиб, Мурило Бенисио билан яшай бошлади ва оилада ўғил фарзанд туғилди. Бир неча йилдан сўнг жуфтлик охир-оқибат барибир ажрашди.
Яқинда собиқ эр-хотин ижтимоий тармоқда ўзининг ҳазиломуз видеосини мухлисларига ҳавола этди:
Ижтимоий тармоқлардан маълум бўлишича, Мурило ва Жованна ҳозирда дўстона ва илиқ муносабатда. Куни кеча улар Бразилияда бўлиб ўтган рок фестивалда иштирок этишди.
Суратда улар қайта алоқаларни боғлаган бахтли жуфтликдек кўринар эди. “Клон” сериали мухлислари Жади ва Лукасни кўриб, машҳурлар яна бирга эканлиги тўғрисида минглаб изоҳлар қолдира бошлади. Ҳозирда Жиованна ва Мурило ўғли учун баъзан турли ижтимоий тадбирларда учрашиб туришади.
Изоҳ (0)