“У ҳаётни яхши кўрарди, ўзбек санъати яна бир қобилиятли ижодкоридан айрилди” — ўзбекистонлик машҳурлар Жасур Шаметовни хотирламоқда (фото)

“Қалбим ўғриси”, “Аччиқ ҳаёт”, “Қалбаки дунё”, “Учрашув”, “Гуноҳ”, “Зарб”, “Оҳ, Салима, Салима”, “Маҳаллада нима гап?” каби бадиий фильмларда постановкачи оператор сифатида ишлаган Жасур Шаметов 39 ёшида вафот этди. У фаолияти давомида кўплаб хонандалар билан ҳамкорлик қилган ва мухлисларга манзур бўлган клипларни суратга олган. Райҳон, Шаҳзода, Рашид Ҳолиқов, Лола, Шоҳруҳхон, Муниса Ризаева, “Афруз” гуруҳи ва бошқа хонандаларнинг танилишида муносиб ҳисса қўшган ижодкорлардан бири десак, муболаға бўлмайди. Шу боис унинг вафотидан шоу-бизнес вакиллари чуқур қайғуга тушди ва ижтимоий тармоқлар Жасур Шаметовнинг ўлими болан боғлиқ постларга тўлиб тошди.

Ўзбекистон Республикаси Президенти администрацияси Ахборот сиёсати департаментининг раҳбари Комилжон Алламжонов марҳум ижодкорни хотирлаб саҳифасида пост қолдирди.

Журналист Шоҳира Хамро Жасур Шаметов билан “Канн” фестивалига боргани ва унинг нафақат ижоди, балки инсоний ҳислатлари ҳам мақташга арзигулик бўлганини эслаб ўтди.

Журналист Насриддин Асриддинов эса марҳум ижодкор билан икки ҳафта олдин телевидение ёнида учрашгани ва ижодий ҳамкорликлари ҳақида суҳбатлашишганини ёдга олди. Улар бир неча йил “Миллий” телеканалида фаолият ютитишган.

Хонанда Райҳоннинг ижодида Жасур Шаметовнинг ўзига хос ўрни бор. Чунки у хонанданинг “Ҳўп майли”, “Ёдингдами” ва “Ҳеч айрилма” каби омадли клипларини суратга олган.

Отабек Маҳкамов Жасур Шаметов билан ҳамкорлик қилгани ва унинг маҳоратли оператор бўлганини эслаб ўтди.

Ҳалимахон ҳам таъзия билдириб ўтди.

Ўзбек шоу-бизнесининг энг кўзга кўринган клипмейкерларидан бири Ҳаби Набиев устозини хотирлаб, бу хабарга ишонгиси келмаётгани, Жасур Шаметов яшашни яхши кўрадиган инсон бўлганини эслади. Шу билан бирга, ўзбек санъати яна бир маҳоратли ижодкордан айрилганидан қайғуда эканлигини билдирди.

Актриса Ситора Фармонова Жасур Шаметов билан ҳамиша рози бўлиб ишлагани, у билан боғлиқ фақат ёқимли хотиралари борлигини эслаб, оила аъзоларига сабр тилади.

Актриса Зарина Низомиддинова эса бу хабарга ишонгиси келмаётгани ҳақида ёзди.

Хонанда Лола ҳам бу хабарга ишонгиси келмаётгани, истеъдодли ижодкорнинг ҳаётни жуда эрта тарк этганидан қайғуда эканлиги ҳақида ёзди.

Актор Акбархўжа Расулов Жасур Шаметовнинг оила аъзолари ва яқинларига ҳамдардлик тилаб, уларга гўзал сабр тилаб қолиши ҳақида ёзди.

“Элдидо” гуруҳи хонандаси Дилниёз Ғаффоров ҳам бу хабарга ишонгиси келмаётгани ҳақида ёзди.

Муниса Ризаеванинг синглиси продюсер Карима Ризаева Жасур Шаметов билан кўп марта ҳамкорлик қилгани ва Наврўз байрамига атаб фильм суратга олишганини хотирлади.