Тошкент шаҳрида яшовчи 36 ёшли О.С. ички ишлар органига ариза билан мурожаат қилиб, номаълум сабабларга кўра унинг номига 18 млн сўм онлайн кредит расмийлаштирилганлигини ва айбдор шахсга қонуний чора кўришни сўраган. Бу ҳақда Киберхавфсизлик маркази хабар берди.
Маълум қилинишича, ўтказилган тезкор-қидирув тадбирлари натижасида, мазкур жиноятни Тошкент шаҳрида яшовчи М.А. содир этгани аниқланди.
Унга кўра, гумонланувчи М.А. жабрланувчи О.С.га сохта ҳавола юбориш орқали шахсий маълумотларини қўлга киритиб, унинг банк мобил иловасига иккинчи фойдаланувчи сифатида уланиб олган.
Сўнг унинг номидан 18 млн сўм онлайн кредит расмийлаштириб, ўша вақтнинг ўзида мазкур пулларни ўзининг фойдаланувида бўлган банк пластик картасига ўтказиб олган.
Мазкур ҳолат юзасидан М.А.га нисбатан Жиноят кодексининг 169-моддаси (ўғрилик) 3-қисми “б” банди билан жиноят иши қўзғатилган.
Изоҳ (0)