Банкларда ўтган ойдаги кредит ставкалари 23 фоизгача ўсди. Омонатлар эса 21,2 фоизга етган.
.jpg)
Июль ойида миллий валютадаги кредитларнинг ўртача тортилган фоиз ставкалари 23 фоизга етган. Бу ҳақда Марказий банк хабар қилди. Бунда корпоратив кредитларнинг ставкаси 22,5 фоиз, чакана кредитлар ставкаси 23,2 фоиз бўлган.
Кредитлар нархининг кўтарилиши омонатлар ставкаларининг доимий ўсиши фонида юз бермоқда. Июль якунларига кўра, омонатларнинг ўртача ставкаси 21,2 фоизга етган. Бу 2014 йилдан буён қайд этилган энг юқори кўрсаткич ҳисобланади.
Марказий банк хабарига кўра, 2022 йил якунлари бўйича кредитлар ставкалари 22,3 фоиз бўлган. 2021 йилда 20,8 фоиз, 2020 йилда 18,8 фоизни ташкил этган.
Омонатлар эса 2020 йилда 17 фоиз, 2021 йилда 20,2 фоиз, 2022 йилда ҳам 20,2 фоиз бўлган.
- Ўзбекистонда миллий валютадаги кредитлар бўйича ўртача фоиз ставкалари сўнгги бир неча чоракларда йиллик 22-23 фоиз атрофида мувозанатлашгани хабар қилинганди.
- Июнь ойида миллий валютадаги қисқа муддатли кредитлар бўйича ўртача тортилган фоиз ставкалари 22,3 фоизни ва узоқ муддатли кредитлар бўйича 22,7 фоизни ташкил этган.
Изоҳ (0)