Футбол бўйича Испания Ла Лигасининг 3-туридан ўрин олган қатор учрашувлар 28 август, якшанба куни бўлиб ўтди.
«Барселона» ўз уйида «Вальядолид»ни қабул қилди. Учрашувнинг 24-дақиқасида Роберт Левандовски каталонларни олдинга олиб чиққан бўлса, бўлим якунида Педри жамоасининг иккинчи голини урди.
64-дақиқада Левандовски дублни расмийлаштирган ҳолда ҳисобни йирик кўринишга олиб келди. Қўшиб берилган вақтда Серхи Роберто ўйинга якуний нуқтани қўйди.
«Барселона» ушбу ғалабадан кейин очколарини 7 тага етказиб олди. Хави жамоаси кейинги турда «Севилья» билан ўйнайди.
Ла Лига
3-тур баҳслари
28 август, якшанба
«Барселона» — «Вальядолид» 4:0
Голлар: 1:0 – 24 Левандовски, 2:0 – 43 Педри, 3:0 – 64 Левандовски, 4:0 – 90+2 Серхи Роберто.«Барселона»: тер Стеген, Кунде, Араухо (Серхи Роберто, 61), Эрик Гарсия, Бальде, Бускетс (Кессиэ, 76), Педри, Гави (де Йонг, 61), Левандовски, Дембеле (Ферран Торрес, 82), Рафинья (Фати, 61).
«Вальядолид»: Масип, Перес, Хоакин Фернандес, Санчес, Эскудеро, Санчес (Тони Вилья, 61), Ануар (Арроё, 76), Агуадо (Меса, 46), Мончу (Плано, 46), Кике Перес, Гвардиола (Леон, 61).
Огоҳлантиришлар: Мончу (45), Санчес (78), Кике Перес (79).
Изоҳ (0)