Ўзбекистон Олий таълим, фан ва инновациялар вазирлиги лицензияси бекор қилинган нодавлат олийгоҳлар талабаларининг ўқиши кўчирилганини эълон қилди.
Маълум қилинишича, Наманган халқаро университетининг 6041 нафар ва Урганч шаҳридаги Бинари университетининг 173 нафар талабасининг аризасига кўра тегишли нодавлат олий таълим ташкилотларига ўқишини кўчириш бўйича талабалар рўйхатлари тегишли нодавлат олий таълим ташкилотларига йўлланди.
Талабалар ўз танловларига кўра ариза топширган нодавлат олий таълим ташкилотларида 11 мартдан ўқишларини расман бошлаши мумкин.
Нодавлат олий таълим ташкилотларида таълим жараёнини ташкил этиш ва лицензия талаблари бузилгани бўйича вазирликка келиб тушган норозилик мурожаатлари асосида текшириш натижаларига кўра, февраль ойида 6 та нодавлат олий таълим ташкилотининг тегишли лицензиясини бекор қилиш бўйича судга даъво аризалари киритилиб, шундан 5 тасининг лицензияси бекор қилинганди.
Президент қарорига кўра, лицензияси бекор қилинган таълим ташкилоти ёки ёпилган таълим дастурида таҳсил олаётган талабаларга ўқишини давлат ва нодавлат таълим ташкилотларининг мос ва турдош таълим йўналишлари ва мутахассисликларига белгиланган тартибда кўчириш ҳуқуқи вазирликка берилган.
Вазирлик лицензияси бекор қилинган олий таълим ташкилотларининг бирор-бир талабаси кўчада қолмаслигини, барча талабалар аризасига асосан ўқиши белгиланган тартибда бошқа олийгоҳларга кўчирилиши таъминланишини маълум қилганди.
Изоҳ (0)