“Ўзтемирйўлйўловчи” Наврўз байрами муносабати билан Тошкентдан Қарши ва Самарқанд шаҳарларига қўшимча поездлар ҳаракати йўлга қўйилишини эълон қилди.
Йўловчиларга қулайлик яратиш мақсадида 21, 22, 23, 24, 25 март кунлари 775/776-сонли Самарқанд—Тошкент—Самарқанд йўналишидаги қўшимча қатнов қуйидаги жадвал асосида ҳаракатланади:
- Самарқанддан жўнаб кетиш 11:11 — Тошкентга етиб бориш 13:26;
- Тошкентдан жўнаб кетиш 13:51 — Самарқандга етиб бориш 16:05.
20, 21 март кунлари 762/761-сонли Тошкент—Қарши—Тошкент йўналишидаги “Афросиёб” поездлари қўшимча ҳаракати қуйидаги вақтларда амалга оширилади:
- Тошкентдан жўнаб кетиш 06:59 — Қаршига етиб бориш 10:33;
- Қаршидан жўнаб кетиш 16:44 — Тошкентга етиб бориш 20:20.
Қўшимча маълумотни Тошкент шаҳридаги 1005 қисқа телефон рақами, жойлардаги темирйўл чиптахоналари ҳамда маълумотлар бюросидан билиб олиш мумкин.
Аввалроқ Халқаро хотин-қизлар куни муносабати билан йўловчиларга қулайлик яратиш мақсадида 8, 9, 10 март кунлари Самарқанд—Тошкент—Самарқанд йўналишида қўшимча поезд ҳаракати йўлга қўйилганди.
Изоҳ (0)