Ташқи ишлар вазири Бахтиёр Саидов 1 сентябрь куни Ўзбекистондаги дипломатик миссиясини якунлаётган Эрон элчиси Ҳамид Найрободийни қабул қилди. Бу ҳақда ТИВ раҳбари ўзининг Telegram каналига ёзиб қолдирди.
“Ўзбекистонда тўрт йиллик фаолиятини якунлаётган Эрон элчиси Ҳамид Найрободий жаноблари билан учрашдик. Жаноб элчининг Ўзбекистон—Эрон муносабатларини ҳар томонлама фаоллаштиришга қўшган ҳиссасини юқори баҳолаймиз ва келгуси фаолиятида улкан муваффақиятлар тилаймиз”, — деб ёзади Бахтиёр Саидов.
Ҳамид Найрободий 2019 йилдан буён Эроннинг Ўзбекистондаги элчиси сифатида фаолият юритиб келаётган эди. Ундан олдин Баҳман Оғорозий Дормани Эроннинг мамлакатдаги элчиси бўлганди.
Август бошларида Шадурди Мередов Туркманистоннинг Ўзбекистондаги фавқулодда ва мухтор элчиси этиб тайинлангани, Бахтиёр Саидов Ўзбекистондаги дипломатик миссиясини якунлаётган Грузия элчиси Зураб Абдушелишвилини қабул қилгани тўғрисида хабар берилганди.
Изоҳ (0)