Ўзбекистон ташқи ишлар вазири Бахтиёр Саидов 28 июль куни янги тайинланган Малайзия элчиси Илхам Туа бин Иллиасдан ишонч ёрлиқларининг нусхаларини қабул қилиб олди. Бу ҳақда ТИВ раҳбари ўзининг Telegram канали орқали маълум қилди.
“Малайзиянинг Ўзбекистондаги фавқулодда ва мухтор элчиси этиб тайинланган Илхам Туа бин Иллиас жанобларидан ишонч ёрлиқлари нусхаларини қабул қилишдан мамнунмиз. Ўзбекистон Республикаси Ташқи ишлар вазирлиги жамоаси билан биргаликда жаноб элчини Ўзбекистон—Малайзия алоқаларини мустаҳкамлашга қаратилган дипломатик миссиясини амалга оширишда қўллаб-қувватлаймиз”, — деб ёзади Бахтиёр Саидов.
Эслатиб ўтамиз, 2018 йилда Малайзиянинг Ўзбекистондаги фавқулодда ва мухтор элчиси этиб тайинланган эди. Унга қадар Малайзиянинг мамлакатдаги дипломатик миссиясига Дато Нораини бинти Абд Ҳамид раҳбарлик қилган.
Бундан олдин Буюк Британиянинг Ўзбекистондаги янги элчиси этиб Тимоти Смарт тайинлангани, Туркманистон президенти Ўзбекистондаги элчини лавозимидан олгани тўғрисидаи хабар берилганди.
Изоҳ (0)