Шимолий Корея етакчиси Ким Чен Ин Корея халқ армияси Ҳарбий-денгиз флоти кемасида денгиздан учириладиган стратегик қанотли ракета билан ўтказилган машқларни кўздан кечирди, деб хабар бермоқда Корея марказий телеграф ахборот агентлиги.
“Кеманинг жанговар вазифалари ва ракеталарнинг хусусиятлари қайта тасдиқдан ўтказилди. Жанговар шароитларда ҳужум топшириқларини бажаришда экипажларнинг жанговар маҳоратини оширишга қаратилган ўқув машғулотларида нишонга заррача оғишмай, тез ва аниқ зарба берилди”, — дейилади хабарда.
Қайд этилишича, кеманинг доимий жанговар шайлиги ва ҳужум қобилияти “аъло даражада” деб баҳоланган.
.jpg)
Август ойи ўрталарида Ким Чен Ин тактик ракеталар ва уларни учириш мосламаларини ишлаб чиқаришни кўпайтиришни буюрган эди.
Шимолий Корея раҳбари “мамлакат армиясининг ҳарбий тайёргарлигини тезлаштириш” учун масъул бўлган тактик ракета заводига ташриф буюрган ва уларни ишлаб чиқаришни кўпайтириш ҳақида топшириқ берган. Бундан ташқари, у тактик ракеталар учун учиргичлар ишлаб чиқарадиган заводларга, жанговар зирҳли машиналар ва ракета артиллерия тизимлари ишлаб чиқарадиган корхоналарга бориб, уларга ҳам ишлаб чиқариш ҳажмини оширишни буюрган.
Изоҳ (0)