Шимолий Корея етакчиси Ким Чен Ин тактик ракета ишлаб чиқариш заводини кўздан кечириб, урушга тайёрланиш бўйича кўрсатма берди. Бу ҳақда Reuters хабар берди.
Ким Чен Ин “катта ҳарбий куч”ни таъминлаш ва урушга тайёр туриш учун ракеталар ишлаб чиқаришни кўпайтиришни буюрди ва буни муҳим деб атади.
“Урушга тайёргарликнинг сифат даражаси ҳарбий саноатнинг ривожланишига боғлиқ, армиямизни урушга тайёрлашни жадаллаштириш учун завод зиммасига улкан масъулият юкланади”, — деди КХДР етакчиси.
У янги зирҳли жанговар машинада сайр қилиб, “катта калибрли ракета тизимлари учун ишлаб чиқариш линияларини модернизация қилишдаги муваффақият”ни юқори баҳолади.
“Бизнинг армиямиз юқори ҳарбий кучни ва ҳар қандай вақтда урушга қатъий тайёрлигини тўлиқ таъминлаши керак, токи душман куч ишлатишга журъат эта олмасин ва акс ҳолда йўқ қилинади”, — деди Ким Чен Ин.
Изоҳ (0)