Баҳор фаслининг сўнгги ойи — майнинг олтинчи кунида Ўзбекистоннинг бир нечта қишлоғида қор ёғди.
Таъкидланишича, Қашқадарёда денгиз сатҳидан 2200 метр юқори тоғли қишлоқларда ёғган қор ҳароратнинг нол даражагача пасайишига олиб келган. Натижада ҳудудлардаги дарахт мевалари ва гулларини совуқ уриши хавфи юзага келган.
“Дарё” ўқувчиларининг билдиришича, Қашқадарё вилоятининг Шаҳрисабз туманидаги Кўл ҳамда Ғэлон қишлоғида айни пайтда ҳам қор ёғмоқда. Яккабоғ туманининг Зармаст қишлоғи ва Деҳқонобод туманининг Ойбек қишлоқларида ёғиб ўтган қор эса, қишлоқларнинг оппоқ тусга киришига сабаб бўлган.
Шунингдек, бугун Ўзбекистоннинг Жиззах вилояти Зомин туманидаги тоғларда ҳам қор ёғган.
Изоҳ (0)